Mateo 5:5 - New Testament Psalms and Proverbs in Mixtec Magdalena Peñasco

⁵ ’Vava'a jin kendoo ñayii kuee ini ma chi jin nduta'vi i in ñu'ú ni skuiso ya ja kua'a ya ma.

Mateo 5:5 ပူးပေါင်းရင်းမြစ်များ

Salmos 147:6

Su'si iya tátnuni nuu o a chi ûni sa'a ya ja koo jayiñu'u ñayii ndákunitnuni ja masu nawa kuu sa'a i ja maa i ma, nú masu ja onde maa ya chindee ña'a ma. Kovaa ñayii sa'a ja u'vi ma chi sa'a ya ja ûni tna'a i ja kan‑nuu.

Salmos 149:4

Vaa Su'si Iya Tátnuni ma chi iyo sii ini xeen ya ji'in ñuu ya ma, te kua'a ya jayiñu'u ñayii ka ndakunitnuni ja masu nawa kuu jin sa'a i, nú masu ja onde maa ya ma, sana kuu jin kaku i nuu ja u'vi ma.

Salmos 22:26

Ñayii nda'vi ma chi koo ja jin kaa i onde jin ndutu chii i ma, vaa ka ndanduku i Iya Tátnuni ma, te ka ndachiñu'u i ya, te chukan kúu ja jin koteku i ni‑kani ni‑jika.

Salmos 25:13

Te koo sii ini i, te ndimaa koo va'a i, te sa'ya tata i ma chi jin nduta'vi i ñu'ú nuu ka iyo i ma.

Salmos 25:9

Vaa ñayii kúkanu ini ja maa Su'si ma, sana kuu koo va'a i ma chi maa ya kaxtnu'u ja sa'a i ja va'a ja ndaa ma, sukan kúni ya ma.

Salmos 37:11

Kovaa ñayii inukuee ini ma chi jin kuta'vi i in ñu'ú va'a, te sii ini‑ni jin ndatatu i, te jin koo mani ndaka i.

Salmos 37:22

Te ñayii ká'an ya ja sa'a i ja va'a ma chi jin ndani'i ta'vi i in ñu'ú va'a, kovaa ñayii ja ká'an u'vi ya ja jin kuu i ma chi xnaa ya i.

Salmos 37:29

Te ñayii ka sa'a ja vii ja va'a ma, jin nduta'vi i in ñu'ú jaa, te yukan jin koo i ni‑kani ni‑jika.

Salmos 37:34

Kukanu ini ni Iya Tátnuni ma, te sa'a ni sukan tátnuni ya ma, te maa ya sa'a ja koo jayiñu'u ni, te koo ni in ñu'ú jaa, te kuni ni sukan sa'a ya ma, ja xnaa ya ndaka ñayii ka sa'a ja u'vi ma.

Salmos 37:9

Vaa ñayii sa'a ja u'vi ma chi xnaa Su'si ma i, kovaa ñayii ka kukanu ini Iya Tátnuni ma chi jin kuta'vi i in ñu'ú va'a‑ka ma.

Salmos 69:32

Nuna jin kuni ñayii ka ndo'o ka neni ma ja sukan sa'a ni ja kuu sa a chi jin ndusii ini i, te jin ndatnii i tnu'u kanu ini, vaa ka ndanduku i maa ni, vi Su'si.

Mateo 11:29

Jin kinee ni chii yugu sa a, te jin kutu'va ni sukan káxtnu'u sa a, vaa kaa kuee ini sa, te iyo sa ja koniniso'o sa nawa jin ka'an ni, sukan‑va'a jin ndatatu ini anua ni a na tnundo'o tnuneni ka tna'a ni.

Mateo 21:5

Kuña'a ni nuu sasi'i ñuu nani Sion ma: “Konde'ya ja vee rey tátnuni nuu ro a, te iya kuee ini kúu ya, te yoso ya in burru jaa sa'ya in burra kiti jâ jiso.” Sa'a ni ka'an de.

Romanos 4:13

Te ni skuiso Su'si ma nuu Abraham ma ja maa de ji'in sa'ya tata de ma, jin kuta'vi de ji'in i ni‑ka'nu ñuu ñayivi a. Kovaa masu kuechi ja ni sa'a de ndaka ja ni kaxtnu'u Moisés ma kúu ja ni skuiso Su'si ma sukan ma. Nú masu ja kuechi ja ni kukanu ini de Su'si ma kúu, te ni nduu de tee sa'a ja va'a ja ndaa.

Gálatas 5:23

ja ini ka'nu ini vee‑ni ini o ma, ja kundee o te ma kua'a o tnu'u ja tatnuni yikikuñu o nuu o a, te nú ndaka cha'a sa'a o chi ñatuu nawa iyo ja ndachunaa o nuu Su'si ma.

Efesios 4:2

Jín kava kuee ini o, te jín ndakunitnuni o nawa ka sa'a ka kuu o ma, te jín kanda nuu tna'a o, vaa ka kutoo tna'a o a.

Colosenses 3:12

Vaa Su'si ma, ni kutoo ña'a ya ndaka o ja ni ndakaji ña'a ya te ka kuu o ñuu ya ma te ñatuu‑ka na ja u'vi ka sa'a‑ka o. Chukan kúu ja jín ko sa'a jín ko kuu o ndaka sukan játna ini Su'si ma. Jín kunda'vi ini tna'a o. Jín kava va'a ini o, te má jin kani ini o ja suu o ka ndanuu‑ka ma. Te jín kava kuee ini nuu tna'a o,

1 Timoteo 6:11

Kovaa ndijin ja kúu ni sa'ya Su'si ma, má ko ndiyo ini ni ndaka cha'a, su'va ko sa'a ni ja ndaa ja ndija ká'an Su'si ma, te sa'a ni sukan játna ini ya ma, te kukanu ini ni ya, te kóo tnu'u kútoo tna'a ma ini anua ni a, te kava kuee ini ni, te koniniso'o ni nawa ka'an‑so'o in‑ka ñayii ma, te máko kava yachi ini ni, te máko ndakone'e xiko ni.

2 Timoteo 2:25

Te ká'an kuee i nuu ñayii ñatuu ka jatna ini sukan ká'an tnu'u Su'si ma ja jin ko sa'a jin ko kuu i ma, sukan‑va'a ndakani ichi va'a i ñayii yukan ma, xi saa chindee ña'a Su'si ma, ja na jin ndakani jin ndaka'vi ini ñayii yukan ma te jin ndakokuiñi i nuu Su'si ma, te jin jaku'ni ini i te jin ko sa'a i ja va'a ja ndaa ma.

Tito 3:2

Te másu ko jin ka'an i tnu'u ni‑in ñayii ma, su'va jín nduku i ja jin koo mani i nuu ndaka ñayii ma. Te máko jin nduku i ja jin ko kanaa i, su'va jín kava kuee ini i nuu ndaka ñayii ma.

Santiago 1:21

Chukan kúu ja jin xtandiyo ni ndaka tu'u ja u'vi ja kini ka ñu'u ini anua ni a, te jin kava kuee ini ni, te jin kuan‑ta'vi ni tnu'u Su'si ma ja ni ka jakun‑nee ini anua ni a, vaa suu i sa'a ja kuu jin kaku ni nuu ja u'vi ma.

Santiago 3:13

Nú iyo in ñayii ndichi te jáku'ni ini i ne'un ndaka o a, te káxtnu'u i sukan kúu i ma, nú sa'a i sukan játna ini Su'si ma. Jini i naxe kava kuee ini i, vaa in ñayii ndichi kúu i.

1 Pedro 3:15

Su'va jin ndaka'an ni ja maa in‑ni Cristo ma kúu iya tátnuni nuu o a, te ndimaa jin koo tu'va ni, sukan‑va'a kuu jin ndakone'e vii jin ndakone'e va'a ni nuu ñayii jin kakan‑tnu'u ña'a nava'a ka kukanu ini ni Su'si ma. Kovaa jin kava kuee ini ni, te jin kava respetu ni nuu i.

1 Pedro 3:4

Su'va jin nduku ni ja jin kona'a vivii‑ka ini anua ni ma, ja na jin kava va'a ini ni te jin kava kuee ini ni, vaa sukan, te vivii jin kona'a ni ni‑kani ni‑jika, vaa sukan játna ini ya ja jin ko sa'a jin ko kuu ni, ja vivii ka kuu ni nuu ya ma.