Mateo 5:42 - New Testament Psalms and Proverbs in Mixtec Magdalena Peñasco

⁴² Nú na in jikan, te kua'a ni nawa jikan i ma. Te nú na in jikan nuu, te máko ka'an ni ja ma kuanuu ni.

Mateo 5:42 ပူးပေါင်းရင်းမြစ်များ

Salmos 37:21

Ñayii sa'a tna'a ja másu nde játna ini Su'si ma chi jikan‑nuu i, te masu nde ndákua'a i. Kovaa ñayii sa'a ja va'a ja ndaa ma chi kúnda'vi ini i, te wa'a i nawa jiniñu'u in‑ka ñayii ma.

Proverbios 19:17

Ja chíndee o ñayii nda'vi ma chi kuenda tnu'u ja in ja wanuu o nuu Su'si ma kúu, te maa ya ja kúu ya Iya Tátnuni ma ndataa nuu o ja va'a ni sa'a o ma.

Proverbios 21:26

Ka iyo ñayii ja nii nduu ma ka ndiyo ini i ja jin ni'i i ja jin kuu maa i, kovaa ñayii sa'a ja va'a ja ndaa ma chi sii ini‑ni wa'a i nawa ka jiniñu'u ñayii ka kunda'vi ka kukee ma.

Mateo 5:41

Nú na in xtetuu ña'a nawa kondiso ni te ki'in jika ni ji'in i, su'va uu jichi jika‑ka ki'in ni ji'in i.

Lucas 11:41

Jin ndakua'a ni ja ka neva'a ni a nuu ñayii nda'vi ma, te ni‑ka'nu ni jin nduvii.

Romanos 12:20

“Te ñayii ñatuu kúnimani nuu ni ma, nú kókon i, te kua'a ni ja kaa i. Te nú yíchi i, kua'a ni ndute ko'o i. Vaa nú sa'a ni sa'a, te sa'a ni ja ndakukan‑nuu maa i.”

Hebreos 13:16

Te másu ko jin ndunaa ni ja jin sa'a ni ja va'a ma, ji'in ja jin chindee ni tna'a ni ma, vaa sukan játna ini Su'si ma, vaa ja va'a‑ka kuu ja sa'a o sukan sana ja ndakua'a ni in kiti nuu ya ma.

Hebreos 6:10

Vaa Su'si o a chi ndimaa sa'a ndaa ya, te masu ndunaa ya ja ka sa'a ka kuu ni a, sukan ni ka keja'a ni ka kutoo ni ñayii ni ka nduu sa'ya Su'si o a, te ka jinukuechi ni nuu i ma, te sukan tna ka sa'a ka kuu ni onde vitna.

Santiago 1:27

Ja ko kuu o ñayii ndikin ndaa Su'si ma kúu ja chíndee o suchi kuechi ni ka ji'i yuva i ma, ji'in ña'a ni ka ji'i yii ña ma te ka ndo'o ka neni ña ma, ji'in ja koto va'a o maa o ja ma sa'a o ni‑in ja u'vi iyo ñuu ñayivi a. Cha'a kúu ja kondikin ndija o maa in‑ni Su'si ma.