Mateo 26:49 - New Testament Psalms and Proverbs in Mixtec Magdalena Peñasco

⁴⁹ Chukan kúu ja ni jan tu'va de Jesús ma, te jiña'a de: ―‍Iyo va'a ni, teskua'a ―‍kúu de jiña'a de. Te ni chitu de yikinuu ya ma.

Mateo 26:49 ပူးပေါင်းရင်းမြစ်များ

Proverbios 27:6

Kuu jin kandija o tnu'u ka'an‑so'o in ñayii ketna'a ini ji'in o ma, visi tnu'u ka'an i ma sa'a ja tná‑u'vi ini o. Kovaa in ñayii ñatuu kunimani nuu o ma chi máko jin kukanu ini o nawa ka'an i ma, visi chítu chítu i yikinuu o ma.

Mateo 23:7

Te ka jatna ini de ja jin kuña'a ñayii ma: “Teskua'a, teskua'a”, ora ka wa'a i nchuxi ma.

Mateo 23:8

’Kovaa ndijin, másu ko jin kua'a ni tnu'u ja ko jin xnani ña'a i teskua'a, vaa maa‑ni Cristo ma kúu teskua'a, te ndaka ndijin, ndi‑tna'a ñani ni, ndi‑tna'a ku'va ni.

Mateo 26:25

Sani te Judas tee ke'en‑su'va ya ma, ni ndakone'e de: ―Teskua'a, ¿saña kúu? ―‍kúu de jiña'a de. Te jiña'a ya: ―‍Kúu‑nka chi maa ni ká'an, masu saña ―‍kúu ya jiña'a ya.

Mateo 26:48

Judas tee ni ke'en‑su'va ya ma, ni wa'a de in seña, te jiña'a de: ―‍Tna'a tee chitu sa yikinuu de ma, tee yukan kúu de, te jin tnii ni de ―‍kúu de jiña'a de.

Marcos 15:18

Sani te ni ka keja'a de ka kayu'u de ka ka'an de: ―‍¡Suchi ya'a kúu rey tátnuni nuu ñayii judío ma, vee! ―‍ka kuu de ka ka'an de.

Lucas 7:45

Ñatuu ni chitu ni yikinuu sa a, kovaa ña'a ya'a chi onde nuu ni kijaa sa ma, ñatuu sunkani ña ja chitu ña ja'a sa a.

Juan 19:3

Sani te ni ka jan tu'va de ya, te ka jiña'a de: ―‍¡Ja va'a kúu rey tátnuni nuu ñayii judío ma! ―‍ka kuu de ka jiña'a de. Te ka wa'a de tikatu yikinuu ya ma.

Juan 4:31

Kovaa nani ve koo ñayii ñuu ma, te ka ka'an nda'vi tee ka ndikin ya ma ja kaa ya xita, te ka jiña'a de: ―‍Teskua'a, kaa ni vala ―‍ka kuu de ka jiña'a de.

1 Tesalonicenses 5:26

Te vivii jin kua'a ni nchuxi nuu ndaka ñayii ni ka nduu sa'ya Su'si o a.