Mateo 26:31 - New Testament Psalms and Proverbs in Mixtec Magdalena Peñasco

³¹ Sani te Jesús ma, jiña'a ya: ―‍Jakuaa vitna, te ndaka ndijin chi ma jin kukanu ini‑ka ña'a ni, te jin xndoo ña'a ni, vaa sukan ká'an tutu ndee tnu'u Su'si ma: “Ka'ni sa tee jito ndikachi ma, te ndaka ndikachi ma, jin kuitenuu ti.”

Mateo 26:31 ပူးပေါင်းရင်းမြစ်များ

Salmos 38:11

Te ñayii ka ketna'a ini ji'in sa ma, ji'in tna'a sa ma chi ni ka skendoo ña'a i ja kuechi ja ku'u sa ya, te ñayii ka iyo yatni ji'in sa ma chi ka kujika ka kusu'va‑ni i nuu iyo sa a.

Salmos 69:20

Sukan ka ka'an ndeva'a i ma, te ni tna‑u'vi ini anua sa ya, te ni kuita kuiti sa. Te ñatuu‑ka na tnu'u kanu ini iyo ini anua sa ya, te ni yo ndetu sa na in chindee ña'a, kovaa ñatuu na in ni kenda ja chindee ña'a i, te ni‑in ñayii ndaka'an mani ña'a i, ñatuu nde ni kenda i.

Salmos 88:18

Te ndaka ñayii ka ketna'a ini ji'in sa ma, ni xtandiyo ni i nuu iyo sa a, ji'in ndaka ñayii ka ndikin tna'a ji'in sa ma. Te ndaka ñayii ka jini tna'a ji'in sa ma, ni chunee ni i nuu nee ma.

Mateo 11:6

¡Vava'a jin kendoo ñayii ka kukanu ini ña'a i maa sa! ―‍kúu ya jiña'a ya.

Mateo 26:24

Ja ndaa kúu ja saña ja kúu sa iya vee ñayivi ñuu ñayivi a chi ndo'o sa sukan ká'an tutu ndee tnu'u Su'si ma ja iyo ja ndo'o sa ma, kovaa ¡nda'vi maa na in ke'en‑su'va ña'a ma! Va'a‑ka ko kuu i, nute ñatuu ni kenda i ñuu ñayivi ya nkuu ―‍kúu ya jiña'a ya.

Mateo 26:56

Kovaa ndaka cha'a chi sa'a kúu sukan‑va'a ko kuu sukan ká'an tutu ndee tnu'u ni ka yo ndakaxtnu'u tee ni ka yo ndakaxtnu'u tnu'u ni yo wa'a Su'si ma ―‍kúu ya jiña'a ya. Sani te ndaka tee ka ndikin ya ma, ni ka jinu de, te ni ka xndoo de maa in‑nka Jesús ma.

Juan 16:32

Vaa jâ ni kenda ora, te vitna kúu kivi, te ndaka ni, jin kuitenuu maa maa ni, te maa in‑nka sa jin xndoo ni. Kovaa masu maa in‑ni sa iyo, vaa iyo Yuva sa ma ji'in sa.