Mateo 22:21 - New Testament Psalms and Proverbs in Mixtec Magdalena Peñasco

²¹ Te ni ka ndakone'e de: ―‍Yunuu tee nani César tee tátnuni ñuu Roma ma kúu ―‍ka kuu de ka jiña'a de. Sani te jiña'a Jesús ma: ―‍Te jin ndakua'a ni nuu César ma tna'a ja kúu kuenda maa de ma, te nuu Su'si ma jin ndakua'a ni tna'a ja kúu kuenda maa ya ma ―‍kúu ya jiña'a ya.

Mateo 22:21 ပူးပေါင်းရင်းမြစ်များ

Proverbios 24:21

Sa'ya maa ri, koyu'u Su'si o a ji'in tee kúu rey ma, te máko kondikin tna'a ro ji'in ñayii so'o xeen ka ndaa ma,

Mateo 22:20

te Jesús ma, jiña'a ya: ―‍¿Na in xi‑yunuu ndenee a, te na in nani sukan ká'an yika i a? ―‍kúu ya jiña'a ya.

Mateo 22:37

Te Jesús ma, jiña'a ya: ―‍“Jín kutoo o Su'si o ma ji'in ndaka tu'u ini anua o a, ji'in ndaka ja ka jani ini o a.”

Mateo 4:10

Kovaa Jesús ma, ni ndonda ya nuu tachi ma, te sa'a jiña'a ya: ―‍Kuán ndiyo ki'in ro nuu iyo ri a, vaa tnu'u Su'si a ká'an: “Maa in‑ni Su'si Iya Tátnuni ma kúu iya ndachiñu'u ro, te nuu maa in‑ni ya kunukuechi ro” ―‍kúu ya jiña'a ya.

Marcos 12:17

Sani te jiña'a Jesús ma: ―‍Te jin ndakua'a ni nuu César ma tna'a ja kúu kuenda maa de ma, te nuu Su'si ma jin ndakua'a ni tna'a ja kúu kuenda maa ya ma ―‍kúu ya jiña'a ya. Te ni ka sa'vi‑nka ini de ja sukan ni ndakone'e ya ma.

Lucas 20:25

Jesús ma, jiña'a ya: ―‍Te jin ndakua'a ni nuu César ma tna'a ja kúu kuenda maa de ma, te nuu Su'si ma jin ndakua'a ni tna'a ja kúu kuenda maa ya ma ―‍kúu ya jiña'a ya.

Lucas 23:2

nuu núkoo tee kúu Pilato ma, te ni ka keja'a i ni ka xtekuechi i ya, te ka jiña'a i: ―‍Ni ka ndani'i sa tee ya'a ja ska'an de ni‑ka'nu ñuu o a. Ká'an de ja masu jin ndachuya'vi sa nuu tee tátnuni ñuu Roma ma, te suni ká'an de ja suu de kúu Cristo ma te suu de kúu rey ―‍ka kuu i ka jiña'a i.

Hechos 4:19

Kovaa Pedro ma ji'in Juan ma, ni ka ndakone'e de: ―‍Jin ndasa'a maa ni kuenda, te nú játna ini Su'si ma ja jin kandija sa ja ka ka'an ndijin, te ma jin kandija‑ka sa ja ká'an maa Su'si ma.

Hechos 5:29

Pedro ma ji'in jaku‑ka tee ni tetniñu Jesús ma, ni ka ndakone'e de: ―‍Jiniñu'u ja kandija o xinañu'u‑ka ja ká'an Su'si ma sana ja ká'an ñayii ñuu ñayivi a.

Romanos 13:7

Jin ndachunaa ni nuu ndaka ñayii xi‑nuu ka tavi ni ma. Nú iyo ja jin chuya'vi ni nuu tee ka netniñu ma ja na tniñu ka sa'a ni ma, te jin chuya'vi ni. Ja ka xiko ni nuya'vi ma, te nú ka jikan de ja jin chuya'vi ni, te jin chuya'vi ni. Te jin kava respetu ni nuu de, vaa tee ka netniñu ka kuu de, te jin ka'an vii jin ka'an va'a ni ja jin kuu de.