Mateo 19:17 - New Testament Psalms and Proverbs in Mixtec Magdalena Peñasco

¹⁷ Te Jesús ma, jiña'a ya: ―‍¿Nava'a jikan‑tnu'u ni nuu sa siki ja va'a ma? Masu na in‑ka sa'a ja va'a chi maa in‑ni Su'si ma. Kovaa nú kúni ni ja ndani'i ta'vi ni te koteku ni ni‑kani ni‑jika, te kandija ni ndaka sukan ni tatnuni Su'si ma ―‍kúu ya jiña'a ya.

Mateo 19:17 ပူးပေါင်းရင်းမြစ်များ

Salmos 119:68

Kovaa ndijin chi iya va'a ini kúu ni, te sa'a ni ja va'a, te káxtnu'u ni tnu'u tátnuni ni ma nuu sa.

Salmos 52:1

Tee kanuu xeen, ¿nava'a kúvixi xeen ni, ja ndimaa ja u'vi ma sa'a ni? Te vitna ja Su'si ma ja kúu sa'a ya ndaka ma chi su'va ndimaa kúnda'vi ini ya ñayii ma.

Romanos 10:5

Vaa Moisés ma, ni tee de sukan jin ko kuu ñayii ka ndi ini ja jin kondikin i ndaka sukan ni tatnuni Su'si ma ja káxtnu'u de nuu i ma, sukan‑va'a jin ko kuu i ñayii jin ko sa'a ja va'a ja ndaa nuu Su'si ma. Te sa'a ni tee de: “Te nú na in kuu sa'a ndaka sukan ká'an tnu'u ya'a chi koteku i, vaa sa'a i sukan ká'an ma.” Sa'a ni kaxtnu'u de.

Santiago 1:17

Ndaka ja va'a ja ndaa ka ndani'i o a chi onde sukun nuu iyo Su'si ma vee, te Su'si ma kúu iya ni sa'a ndaka ja ka ndu'va ka iyo onde andivi ma. Te maa ya chi masu ndaxsama ya ja jani ini ya ma, sukan kúu kati kuanda'vi ma.

1 Juan 4:16

Te sa'a, saa ni ka jini o, te ni ka kandija o ja kútoo ña'a Su'si ma. Te Su'si ma, iya kútoo ña'a kúu ya, te ñayii ka kutoo tna'a ma, ka iyo i ji'in Su'si ma, te Su'si ma iyo ji'in i.