Mateo 15:9 - New Testament Psalms and Proverbs in Mixtec Magdalena Peñasco

⁹ Masu nde jiniñu'u ja ka sa'a i tnu'u ja ka chiñu'u ña'a i ma, vaa ja ka kaxtnu'u i ma, ndimaa ja ka tatnuni ñayii ma kúu. Sa'a ni jiña'a Su'si ma te ni ndaka'an Isaías ma, ―kúu ya jiña'a ya.

Mateo 15:9 ပူးပေါင်းရင်းမြစ်များ

Salmos 39:6

Vaa sukan kúu kuanda'vi ma‑ni, sukan‑ni kúu ñayii ma. Te chukan kúu ja másu nde jiniñu'u ja xtutu kua'a xeen i xu'un ja koneva'a i ma, vaa masu nde jini i na in kendoo ji'in ja ni xtutu i ma.

Salmos 73:13

Te nú sukan, masu nde jiniñu'u ja ni‑in ja u'vi ñatuu nde sa'a sa a, jani ini sa, te masu nde jiniñu'u ja jito va'a sa maa sa ja ñatuu na ja u'vi ko sa'a sa ji'in nda'a sa a, jani ini sa.

Mateo 15:10

Sani te Jesús ma, ni kana ya ñayii ma, te jiña'a ya: ―‍Jin koniniso'o ndaka ni, te jin jaku'ni ini ni.

Marcos 7:7

Masu nde jiniñu'u ja ka chiñu'u ña'a i ma, vaa ja ka kaxtnu'u i ma, ndimaa ja ka tatnuni ñayii ma‑ni kúu.

1 Corintios 15:2

Te nú ndimaa jin ko kandija ni te ma jin xndoo ni tnu'u Su'si o a ja ni kaxtnu'u sa ma, te jin ndani'i ta'vi ni, te nuna jin xndoo ni, masu nde jiniñu'u ja ni ka sa'a ni tnu'u ja ni ka kandija ni ma.

1 Timoteo 1:4

te máko jin katanuu de tna'a cuentu ja ka ndakani ñayii ma, ji'in nde in xi‑sa'ya tata ka kuu ñayii ma, vaa masu jinu cuentu yukan. Vaa ndaka cha'a chi yika‑ni ja sa'a i kúu ja jin kanaa o, te masu nawa chíndee ña'a i ja jin kukanu ini‑ka o Su'si ma te jin jaku'ni‑ka ini o naxe jin ko sa'a jin ko kuu o nuu ya ma. Te vitna, te ndáxndaku ini tuku ña'a sa sukan ni tatnuni sa nuu ni ma, te sukan tatnuni ni nuu tee yukan ma.

Tito 1:14

Te másu ko jin katanuu i cuentu ka ndakani ñayii judío a, ni a jin katanuu i ja ka tatnuni tee ñatuu ka kandija tnu'u ndaa Su'si o a.

Hebreos 13:9

Te chukan kúu ja másu ko jin kua'a ni tnu'u, ja in‑ka tnu'u jin ko kaxtnu'u i nuu ni ma. Vaa ja va'a‑ka kuu ja jin koo va'a ini anua o a nuu ja vii ja va'a skuta'vi ña'a Su'si ma, te sana ja jin ko ndi ini o nawa jin kaa jin ko'o o ma. Vaa ñayii ka jatanuu ndaka chukan chi masu nawa chíndee ña'a i ja jin ndani'i ta'vi i ma.

Santiago 2:20

Ndijin, masu nde jiniñu'u ja jani ini ni a. Koniniso'o ni ja káxtnu'u sa nuu ni a, ja nú yika‑ni ja kándija o Su'si ma te ñatuu sa'a o sukan játna ini ya ma, masu nawa kúu o nuu ya.

Apocalipsis 22:18

Te maa sa káxtnu'u nuu ndaka ni ja ka niniso'o ni tnu'u ndee nuu libru ya'a ja ndákaxtnu'u ndaka sukan ko kuu ma, te nú na in na skaa‑ka ka'an i sana sukan ká'an tnu'u ya'a, te maa Su'si ma sa'a ja kenda nuu i ndaka kue'e ka ndenee nuu libru ya'a.