Mateo 14:4 - New Testament Psalms and Proverbs in Mixtec Magdalena Peñasco

⁴ Vaa Juan ma, ni yo jiña'a de: ―‍Masu va'a‑ni ja koo ni ji'in ña'a jiña, vaa téku‑ka yii ña ma ―‍ni yo kuu de ni yo jiña'a de.

Mateo 14:4 ပူးပေါင်းရင်းမြစ်များ

Proverbios 28:1

Ñayii sa'a ja u'vi ma chi yu'u xen‑xeen i te jinu i kua'an i, vaa jani ini i ja ndimaa ka iyo ñayii ka sondikin ña'a, kovaa ñayii sa'a ja va'a ja ndaa ma masu nawa yu'u i, sukan kúu ndika'a ma sukan kúu i, vaa kúkanu ini i ja masu na in kundee nuu i.

Proverbios 28:4

Ñayii ñatuu kándija sukan ká'an tnu'u ni kaxtnu'u Su'si ma nuu Moisés ma chi jani ini i ja in jayiñu'u xeen kúu ja ka sa'a ñayii ka sa'a ja u'vi ma, kovaa ñayii kándija te sa'a i sukan ká'an tnu'u Su'si ma chi su'va jasi ndee i nuu ñayii ka sa'a ja u'vi ma sukan‑va'a má jin sa'a‑ka i ja u'vi ma.

Marcos 6:18

Te Juan ma, ni yo jiña'a de Herodes ma: ―‍Masu kuu kondeka ni ña'a jiña, chi vaa ñasi'i ñani ni ma kúu ña, vaa téku de ma ―‍ni yo kuu de ni yo jiña'a de.