Mateo 13:44 - New Testament Psalms and Proverbs in Mixtec Magdalena Peñasco

⁴⁴ ’Te suni nuu tatnuni Su'si ma kúu sukan kúu in ja ndee ya'vi xeen, te yinee yu'u i ini itu ma. Chukan kúu ja in tee, ni ndani'i de ja ndee ya'vi xeen yinee ini itu yukan ma, te ni ndachu'u va'a‑ka de, te ni ja'an sii ini de ni jan nu xiko de ndaka ja neva'a de ma, te ni ndakuaan de ñu'ú yukan.

Mateo 13:44 ပူးပေါင်းရင်းမြစ်များ

Proverbios 16:16

Va'a‑ka kúu ja ko ndi ini o ja ko kuu o in ñayii ndichi ma sana ja ni'i o kua'a oro ma, te va'a‑ka kúu ja jáku'ni ini o sukan kúni Su'si ma sukan‑va'a ni'i ini o naxe ko sa'a ko kuu o sana ja ni'i kua'a o plata ma.

Proverbios 17:16

Ñayii ndee xeen ini ma chi masu nde jiniñu'u ja neva'a kua'a xeen i xu'un i ma, vaa ni masu kuu kuaan i tnu'u ndichi Su'si a ji'in xu'un i ma, vaa ni masu jaku'ni ini i ma.

Proverbios 18:1

Ñayii ndiyo ini ma chi ñu'u ini i ja koo va'a maa i ma‑ni, te ni ñatuu jan‑ta'vi i ja ka ka'an‑so'o ñayii ma nuu i ma.

Proverbios 23:23

Ko ndi ini ja kutu'va‑ka ro tnu'u ndaa tnu'u ndija maa Su'si ma ji'in tnu'u ndichi ma ji'in ja naxe ko sa'a ko kuu ro te koo va'a‑ka ro nuu Su'si ma ji'in ja ni'i ini ro naxe ndasa'a ro kuenda nde a kúu ja va'a ma te ko sa'a ro ma te nde a kúu ja masu va'a ma te másu ko sa'a ro, te másu ko ndaxiko ro ndaka cha'a.

Mateo 13:24

Ni ka'an ya in‑ka tnu'u vijin, te jiña'a ya: ―‍Sukan tátnuni Su'si iya iyo andivi ma, inuu kúu i ji'in in tee ni saka ini itu de ma triu va'a.

Mateo 13:46

Te ni ndani'i de in perla vivii xeen‑ka kaa, te suni ni ja'an de, te ni ndaxiko de ndaka ja neva'a de ma, te ni jaan de perla vivii‑ka kaa ma.

Mateo 13:47

’Te suni sukan kúu in ñunu táva tiaka ma, sukan kúu nuu tatnuni Su'si ma, vaa ni ka skee i ñunu ma nuu mar ma, te ni ka jakun‑nee ndaka jichi tiaka ma.

Mateo 19:21

Te Jesús ma, jiña'a ya: ―‍Nú kúni ni ja sa'a ndi'i ni ndaka sukan kúni Su'si ma, te kuá'an ni, te xiko ni ndaka ja neva'a ni ma, te kua'a ni ñayii ka kunda'vi ma. Te sukan, te xiku ko kuu ni andivi ma. Sani te kii ni, te kondikin ña'a ni ―‍kúu ya jiña'a ya.

Mateo 19:27

Pedro ma, ni ndakone'e de: ―‍Saña chi ndaka ja ka neva'a sa ma ni ka xndoo sa, te ni ka ndikin ña'a sa. ¿Te iyo ja jin ndani'i‑ta'vi sa? ―‍kúu de jiña'a de.

Mateo 19:29

’Te ndeva'a‑ni na in ni xndoo ve'e i ma, ñani i ma, ku'va i ma, ku'u i ma, ji'in yuva i ma, si'i i ma, ñasi'i i ma, sa'ya i ma, ji'in ñu'ú i ma, ja kuechi ja ndikin ña'a i saña ma chi ndani'i i vi'i‑ka cientu jichi sana ja ni xndoo i ma, te ndani'i‑ta'vi i, te koteku i ni‑kani ni‑jika.

Mateo 6:21

Vaa nuu iyo ndaka ja ñu'u ini o ja neva'a o ma, yukan tna jatanuu‑ka ini anua o ma.

Lucas 14:33

Chukan kúu ja, ndeva'a‑ni nde ni, nú ma xndoo ni ndaka ja neva'a ni ma, masu kuu ko kuu ni in ñayii kondikin ña'a.

Juan 6:35

Jesús ma, jiña'a ya: ―‍Saña kúu xtatila ja sa'a ja jin koteku ni. Nú na in ki tna'a ña'a te kandija ña'a i, masu ko kokon ko yichi kuiti i.

Romanos 15:4

Vaa ndaka ja ndee nuu tutu Su'si ma onde xi'na‑ka ma, jâ ka ndee i sukan‑va'a jin skua'a o, te jin ndani'i o tnu'u kanu ini nuu tutu ya ma, te kava kuee ini o, te kukanu ini o ja ni'i o ja vii ja va'a taa Su'si ma.

Colosenses 2:3

Vaa nuu maa Cristo ma iyo ndaka tnu'u ndichi tnu'u va'a ma, ji'in naxe jin jaku'ni ini o ma.

Colosenses 3:16

Te nanimaa tnu'u Su'si ma na jin kun‑nee ini anua ndaka ni a, te jin ndakaxtnu'u nuu tna'a ni, te ndimaa tnu'u ndichi ko kuu tnu'u jin ndaka'an‑so'o nuu tna'a ni a. Te ini anua ni a koo tnu'u sii ini, te jin kata ni yaa salmos ma, ji'in yaa ká'an sukan sa'a Iya Tátnuni ma ja jin kuu o ma, sukan‑va'a na koo jayiñu'u ya ma.

Hebreos 10:34

Te ni ka yo kunda'vi ini ni tna'a ni ka yinee vekaa ma, te nuu ni ka yo xtandee i nawa ka neva'a ni ma, masu nde ni ka yo kuxii ini ni ma. Vaa ka jini ni ja onde andivi ma iyo in ja va'a‑ka ja jin kuta'vi ni, in ja masu ndi'i.

Apocalipsis 3:18

Chukan kúu ja ndáka'an‑so'o ri nuu ro ja kuaan ro nuu ri oro ni nduu nanimaa ni sa'a ñu'u i'ni ma, sukan‑va'a nduxiku ndija ro, te kuaan tna ro sa'ma kuijin kuijin, te kone'nu ro, sukan‑va'a ma kukan‑nuu ro ja jin kuni ñayii ja iyo vichi ro a. Tnaa coliriu nduchinuu ro a, sukan‑va'a ndundijin nuu ro a, te kuni ro nde ichi kua'an ro a.