Mateo 1:20 - New Testament Psalms and Proverbs in Mixtec Magdalena Peñasco

²⁰ Te sukan jani ini i. Sani te nuu ni kixi i ma, te ni jininuu i ja ni kenda in ángel ni tetniñu Iya Tátnuni ma nuu iyo i ma, te jiña'a ángel ma: ―‍José sa'ya tata David, má koyu'u ro ja kueka ro María suchi ko kuu ñasi'i ro ma, vaa sa'ya i suchi ñu'u ma, Sa'ya maa Xtumani Ndios ma kúu ya.

Mateo 1:20 ပူးပေါင်းရင်းမြစ်များ

Salmos 119:125

Saña ja kúu sa ñayii jinukuechi nuu ni a, sa'a ni ja na jaku'ni va'a‑ka ini sa, vaa ja kúni sa kúu ja jakun‑tnuni‑ka ini sa tnu'u ndaa tnu'u ndija tátnuni ni ma.

Salmos 143:8

Ora xtnee ne'e ma, kaxtnu'u ni sukan kútoo ña'a ni a, vaa maa ni kúkanu ini sa ja chindee ña'a ni. Kaxtnu'u ni naxe ko sa'a ko kuu sa, vaa nuu nda'a maa ni iyo anua sa ya.

Salmos 94:19

Te nuu kua'a xeen ja yikuu sa jani ka'vi ini sa ma, te xndo'o xneni ña'a i ma, te maa ni ni ndaka'an mani ña'a, sani te ni ndusii ini xeen sa.

Proverbios 12:5

Ñayii jika ndaa nuu Su'si ma chi ndimaa ja ndaa ja ndija kúu ja jani ini i te ká'an i ma, kovaa ñayii sa'a ja u'vi ma chi ndimaa tnu'u xnda'vi tna'a kúu ja ká'an i ma.

Mateo 1:18

Te sa'a ni kuu kivi ni kâku Jesucristo ma. Iyo suchi kúu María ma, ndetu i ja tnanda'a i ji'in José ma, te nuu ñatuu jin kueka tna'a‑ka i ma, te María ma, ni ni'i sa'ya i sukan ni kuni maa Xtumani Ndios ma. Te ni jinitnuni José ma ja ñu'u sa'ya i ma.

Mateo 2:12

Te nuu ni kunee ma te ni ka kixi de ma, te ni xsjani ña'a Su'si ma ja máko jin ndakokuiñi‑ka de nuu iyo Herodes ma, te chukan kúu ja in‑ka ichi kuan nu koo de ñuu de ma.

Mateo 2:13

Sani te nuu ni ka ya'a de kuan nu koo de ma, te nuu ni kixi José ma, te ni kenda in ángel ni tetniñu Iya Tátnuni ma, te jiña'a i: ―‍Ndakoo ni, te kueka ni lulu a ji'in si'i ya a, te kuán koo ni ñuu Egipto ma, te jin koo ni yukan‑ni onde kaxtnu'u maa sa kivi ndi koo ni ma, vaa sa'a ko kuu ja Herodes ma chi nduku de lulu a ja ka'ni de ya ―‍kúu i jiña'a i.

Mateo 2:19

Kovaa nuu ni ji'i Herodes ma, sani te ni kenda in ángel ni tetniñu Iya Tátnuni ma nuu kixi José ma ñuu Egipto ma,

Mateo 2:22

Kovaa ni ni'i tnu'u de ja tee kúu Arquelao ma, tátnuni de ñuu Judea ma nuu tniñu yuva de Herodes ma, te chukan kúu ja ni yu'u José ma ja no'o de yukan. Kovaa Su'si ma, ni kaxtnu'u ya nuu de ora kixi de ma nawa sa'a de. Sani te kuan nu koo de ji'in ya ñuu Galilea ma.

Mateo 27:19

Te nani núkoo de nuu ja'nde de tniñu ma, te ñasi'i de ma, ni tetniñu ña in ñayii ni jan kuña'a i de: “Masu nawa ko sa'a ro tee jiña, vaa masu na kuechi ndiso de, vaa ja ni kuu jakuaa a chi ni skoto ña'a Su'si ma ja kuu tee jiña”, kúu ña jiña'a ña.

Mateo 28:5

Sani te ángel ma, jiña'a i nuu ña'a ka iyo ma: ―‍Máko jin koyu'u ndijin, vaa jini sa ja ka ndanduku ni Jesús iya ni ka jata kaa i nuu krusi ma.

Lucas 1:19

Ángel ma, ni ndakone'e i: ―‍Saña kúu ángel Gabriel ma, ja iyo sa nuu Su'si ma, te ni tetniñu ña'a ya ja vee sa ka'an sa nuu ni a, te káxtnu'u sa tnu'u vii tnu'u va'a ya a.

Lucas 2:4

Chukan kúu ja José ma, ni kee i ñuu Nazaret ma ja iyo i ñuu Galilea ma, te kua'an i ñuu Belén ma ja iyo tna i ñuu Judea ma, nuu ni kâku rey David ma, vaa José ma chi sa'ya tata David ma kúu i.

Hechos 5:19

Kovaa jakuaa ma, in ángel jinukuechi nuu Iya Tátnuni ma ni jan nu kune ye'e vekaa ma, te ni ndene'e i de, te jiña'a i:

Apocalipsis 19:7

Jín koo sii ini o, te jín kutachi o, te jín ndachiñu'u o ya, vaa jâ ni kenda viko tnánda'a iya kúu sukan kúu ndikachi jaa ma, te suchi ko kuu ñasi'i ya ma, ja ni satu'va i maa i.