Marcos 7:22 - New Testament Psalms and Proverbs in Mixtec Magdalena Peñasco

²² ji'in ja ñayii ni tnanda'a ma, te ka kivi nduu i ji'in in‑ka ñayii ma, ji'in ja ka ndiyo ini i ja jin koneva'a i ndaka ndatniñu ma, ji'in ja ka sa'a i ndaka ja u'vi ma, ji'in ja ka xnda'vi tna'a i ma, ji'in ja ka ka'an kini i ma, ji'in ja ka kukueñu ini i ma, ji'in ja ka ka'an i tnu'u ñayii ma, ji'in ja ka jani ini i ja maa in‑ni i ka kuu ja ka ndanuu‑ka ma, ji'in ja ñatuu ka ndasa'a i kuenda ja u'vi ka sa'a i ma.

Marcos 7:22 ပူးပေါင်းရင်းမြစ်များ

Salmos 10:4

Ñayii sa'a ja u'vi ma, ja jani ini i ja maa i kúu‑ka ma, ká'an i ja ñatuu na Su'si ma iyo. Va ni a vala masu nde ndakune'e i Su'si ma ndaka ja jani ini i ma.

Salmos 119:36

Sa'a ni ja ini anua sa ya, te kó ndi ini i ja ko sa'a i sukan tátnuni ni ma, te máko kua'a ni tnu'u ja ko ndiyo ini sa nawa iyo ñuu ñayivi a.

Proverbios 12:23

Ñayii ndichi ma chi masu nde savixi i maa i ndaka ja jini i ma, kovaa ñayii ndee ini ma chi ja ká'an i ma‑ni, te yachi‑ni ndatuu maa i ja ñatuu na tnu'u ndichi neva'a i.

Proverbios 22:15

Suchi jaa ma ûni ndikin tna'a xeen i ji'in ja sa'a ndee ini i te sa'a so'o xeen i maa i, kovaa nuna ndaka'an‑so'o o nuu i te skonduu o yutnu xii yata ka'a i chi ndatnii i kuenda te ko kuu i in ñayii va'a.

Proverbios 23:6

Máko jinkoo ni ji'in ñayii xii xeen kaa i ma, ni ko ndiyo ini ni nawa jaa i ma,

Proverbios 24:9

Nanimaa ja u'vi ñu'u ini ñayii ndee ini ma ja sa'a i te jiso kuechi maa i, te ndaka ñayii ma, masu ka kunimani i nuu ñayii sa'a sukan ma.

Proverbios 27:22

Ñayii ndee xeen ini i ma te játna ini i ja sa'a so'o i ma, visi na xndo'o xneni xen‑xeen o i, kovaa ni masu jaku'ni ini maa i.

Proverbios 28:22

Ñayii kueñu ini ma chi yika‑ni ja ñu'u ini i kúu ja na kuxiku i, kovaa masu ndasa'a maa i kuenda ja ichi ko kunda'vi ko kukee i ma kua'an i.

Mateo 20:15

¿Masu va'a‑ni ja sa'a sa ji'in xu'un sa a sukan kúni maa sa? ¿Xi kukueñu ini ni ja va'a ini sa a?”, kúu de jiña'a de.

Mateo 6:23

Kovaa nú nduchinuu ni a, ja u'vi ka kuu i, te ni‑ka'nu yikikuñu ni a, iyo i nuu nee ma. Te nú sukan, nda'vi maa ni vaa ni‑ka'nu yikikuñu ni a iyo nuu nee kuiti ma.

Marcos 7:21

Vaa onde ini anua ñayii ma ka ñu'u ndaka ja u'vi ma, te chukan kúu ja kénda ja ka jani ini i ma, ja jin kivi nduu i ji'in ndi‑in ndi‑in ñayii ñatuu ni ka tnanda'a ji'in i ma, ji'in ja jin sakui'na i ma, ji'in ja jin ka'ni tna'a i ma,

Marcos 7:23

Ndaka tnu'u ya'a ka kuu ja ka ñu'u ini anua ñayii ma, te ndaka ja u'vi yukan kúu ja ka sa'a ja kútne'e ini anua ñayii ma nuu Su'si ma ―‍kúu ya jiña'a ya.

2 Corintios 10:5

Te ja maa ya, te ka xnaa sa ndaka ja ka ka'án ñayii ma ja ka ja'nu ndee i ja masu jin kuni ñayii ma Su'si ma, te ndaka ja u'vi ka jani ini ñayii ma ka xndoo sa nuu nda'a maa Cristo ma, sukan‑va'a maa ya sa'a ja jin ndasama janitnuni i ma te jin kandija i ya ma.

1 Pedro 2:15

Vaa sa'a kúni Su'si ma, ja na jin sa'a o ja va'a ma. Nuna jin sa'a o ja va'a ma, te jin kuni ñayii ñatuu ka jini te ñatuu ka jaku'ni ini i tnu'u Su'si ma, te jin kasiyu'u i.

1 Pedro 5:5

Suni ndaka ro'o ja ka kuu ro suchi jaa a jin kandija ja ka ka'an tee nija'nu‑ka ma. Te ndaka ni jin kandija nuu tna'a, te má jin kani ini ja maa ni ka kuu‑ka xi ka ndanuu‑ka ni sana in‑ka ñayii ma: Vaa Su'si ma, masu niniso'o ya te ni masu katanuu ya ja ka ka'an ñayii ja ka jani ini i ja maa i ka kuu‑ka ma, kovaa ja vii ja va'a skuta'vi ya ñayii inuu‑ni jan‑ta'vi i ndaka ñayii ma.