Marcos 6:48 - New Testament Psalms and Proverbs in Mixtec Magdalena Peñasco

⁴⁸ Te ni jini ya ja ndendee tee ka yinda'a yutnu ka xtanuu de ndute ma, vaa yi'i kajin ma, te su'va vee i ichi kuan nu koo de ma. Nuu ve ndii ma, te Jesús ma, jika ya kua'an ya nuu ndute ma ichi nuu ka iyo de ma, te ni sa'a ya ja ni ya'a ndita ya.

Marcos 6:48 ပူးပေါင်းရင်းမြစ်များ

Salmos 104:3

Te siki ndute iyo onde andivi ma ni sunkani va'a ni ve'e ni ma, te siki viko ma yoxtnee ni kua'an vee ni kúu ni, ja kánaa ni ji'in ja ñatuu kúnimani nuu ni ma, te sukan yi'i kajin ma, sukan kua'an vee ni kúu ni.

Salmos 93:4

Iya Tátnuni iya iyo onde sukun ma kúu iya neva'a‑ka tnu'u ndee tnu'u ndatnu sana ndute kua'a xeen ma, te iyo‑ka tnu'u ndee tnu'u ndatnu ya sana nuu ndute kua'a kuá'an vee nuu mar ma.

Mateo 14:24

Te barcu ma chi jâ ni kujika tnu kuan no'o tnu nuu ndute ma. Te jánee jándita tnu sa'a nuu ndute ma, vaa kajin yi'i ma chi su'va vee i ichi nuu kuan nu koo de ji'in tnu ma.

Mateo 24:43

’Jin ndasa'a ni kuenda: Nú in tee xi‑ve'e ma, te jini de na ora kenda kui'na ve'e de ma, masu kua'a de tnu'u ja kivi i ve'e de ma ja sakui'na i ma.

Marcos 13:35

Chukan kúu ja jin konde'ya va'a ni, te jin koo tu'va ni, vaa masu ka jini ni na ora ndenda sa ja kúu sa iya tátnuni nuu ni ja ka kuu ni ñayii ve'e sa ma, nú jâ ve kunee ma, xi sava ñuu ma, xi ora jâ ka kana li'li ma xi ora jâ ve ndii ma,

Marcos 6:47

Te nuu ni kunee ma, te barcu ma chi yika sava‑ni nuu ndute ma kuan no'o tnu. Te Jesús ma, ni kendoo maa in‑ni ya nuu ñu'ú ma.

Marcos 6:49

Kovaa nuu ni ka jini de ya ja jika ya nuu ndute ma, te ni ka jani ini de ja in ñi'na kúu, te ni ka kayu'u de,

Lucas 12:38

Vava'a jin kendoo i, nuna ndani'i ña'a jito'o i ma ja ka ndito‑ka i, visi na ndenda de sava ñuu xi nuu ve ndii‑nka ma.

Lucas 24:28

Nuu ni ka kenda koo i yu'u ñuu i ma, Jesús ma, ni sa'a ya tnu'u ja jika‑ka nuu ki'in ya.

Juan 1:13

Te ñayii ya'a chi masu sukan ni kuu kii ni kâku o ma, ni a masu sukan kúu ini maa ñayii ma, ni a masu sukan ka kuu ini tee ma kúu ja ni ka ndakâku jaa i nuu Su'si ma, nú masu ja sukan kúu ini maa Su'si ma, te ni ka ndakâku jaa i, te ni ka nduu i sa'ya ya ma.