Marcos 4:2 - New Testament Psalms and Proverbs in Mixtec Magdalena Peñasco

² Te ni keja'a ya ká'an ya kua'a tnu'u vijin, te in tnu'u vijin ya'a ni ka'an ya, te jiña'a ya:

Marcos 4:2 ပူးပေါင်းရင်းမြစ်များ

Salmos 49:4

Koniniso'o ñukuun sa tnu'u ndichi ka ka'an i ma, te ndaka'an sa tna'a ja yii ja jáku'ni ini o ma, nani tée sa arpa ma.

Salmos 78:2

Ká'an sa tnu'u ndichi ja ka iyo yu'u onde xi'na xeen‑ka ma, sukan‑va'a jín ndasa'a o kuenda.

Mateo 13:10

Te ni ka jan tu'va tee ka ndikin ya ma, te ni ka jiña'a de ya: ―‍¿Nava'a ká'an ni tnu'u vijin nuu ñayii ma? ―‍ka kuu de ka jiña'a de.

Mateo 13:3

Te ni keja'a ya kua'a tnu'u vijin ni ka'an ya, te in tnu'u vijin ya'a ni ka'an ya, te jiña'a ya: ―‍Jin koniniso'o ni ja ká'an sa a. In tee, ni kee de kuan saka de triu.

Mateo 7:28

Te nuu ni jinu ni ka'an Jesús ma tnu'u ya'a, te ñayii ma, ni ka sa'vi‑nka ini i sukan káxtnu'u ya ma.

Marcos 10:1

Jesús ma, ni ndee ya ñuu Capernaum ma, te kua'an ya ichi ñuu Judea ma, in‑ka yu'u yute Jordán ma. Yukan ni ka ndututu tuku ñayii ma, te ni keja'a ya káxtnu'u ya, sukan játna ini ya sa'a ya nuu ka ndatna'a ñayii ma.

Marcos 12:1

Jesús ma, ni keja'a ya ká'an ya tnu'u vijin, te jiña'a ya: ―‍In tee, te ni sunkoo de ni‑ka'nu itu de ma tnu uva, te ni jasi de yu'u itu de ma. Te ni satu'va de in nuu taxi uva ma kivi kuaan i ma, te ni sa'a de in ve'e sukun sukun, sukan‑va'a kuu ko koto de ni‑ka'nu itu de ma. Sani te ni nduku de jaku ñayii ja jin ko koto i itu de ma, te kivi kuaan uva ma, te sasava jin kuu de. Sani te kua'an jika de.

Marcos 12:38

Jesús ma, ne'un ja káxtnu'u ya ma, te jiña'a ya: ―‍Jin konee ni cuidado ja másu ko jin ko sa'a ni sukan ka sa'a tee ka skua'a tnu'u ni kaxtnu'u Moisés ma, vaa tee yukan chi ka jatna ini de ja jin kone'nu de sa'ma nani, te ka kuni de ja jin kava respetu i nuu de ma te jin kua'a i de nchuxi nuya'vi ma.

Marcos 3:23

Te Jesús ma chi ni kana ya ndaka tee ka jani ini sukan ma, te ni ka'an ya in tnu'u vijin, te jiña'a ya: ―‍¿Naxe kuu ndene'e tachi nani Satanás ma tachi ji'in i ma?

Marcos 4:11

Te ni ndakone'e ya: ―‍Su'si ma, jâ ni kaxtnu'u ya nuu ndijin naxe tatnuni ya ma. Kovaa nuu ñayii ñatuu ka kandija ma chi kuña'a o ndaka kuenda tnu'u vijin,

Marcos 4:3

―‍Jin koniniso'o ni ja ká'an sa a. In tee, ni kee de kuan saka de triu.

Juan 18:19

Tee tátnuni nuu sutu ma, ni keja'a de jikan‑tnu'u de Jesús ma siki tee ka ndikin ya ma ji'in siki tnu'u káxtnu'u ya ma.