Marcos 14:31 - New Testament Psalms and Proverbs in Mixtec Magdalena Peñasco

³¹ Kovaa maa de chi jiña'a de: ―‍Visi na kûu sa ji'in ni, kovaa masu ka'an sa ja ñatuu jini ña'a sa ―‍kúu de jiña'a de, te ndaka‑ka de ka jiña'a sukan.

Marcos 14:31 ပူးပေါင်းရင်းမြစ်များ

Salmos 30:6

Te nuu ni nduvii, ni nduva'a sa ma, te ni jiña'a sa ya: “Másu nde ichi ki'in‑ka sa, vi Su'si”, kúu sa jiña'a sa ya.

Proverbios 16:18

Ñayii jani ini ja maa i kúu‑ka ma chi ja ndetu ña'a kúu ja skenaa i maa i ma, te ñayii kúvixi xeen ma chi ni masu kee va'a ja jani ini i ja sa'a i ma.

Proverbios 18:24

Ñayii iyo in ñayii kétna'a ini ji'in i ma chi vivii ka chindee tna'a i, te iyo nuu kúu chi va'a‑ka ka iyo i ji'in suchi ka ketna'a ini ji'in i ma sana in ñani maa i.

Proverbios 29:23

Ñayii kúvixi ma te jani ini i ja maa i kúu‑ka ma chi masu na'a‑ni te jin sa'a ñayii ma ja ndatna'a i ja kan‑nuu, kovaa ñayii jani ini ja masu nawa kuu sa'a i ja maa in‑ni i ma chi su'va masu na'a‑ni te ndani'i i jayiñu'u nuu ñayii ma.

Mateo 10:33

Kovaa ndeva'a‑ni na in na kuña'a nuu ñayii ma ja masu kándija ña'a i maa sa a, suni saña tna ndaka'an sa nuu Yuva o Su'si iya iyo andivi ma ja masu iyo sa ji'in i.

Marcos 10:39

Te ka jiña'a de: ―‍Kuu. Te jiña'a Jesús ma: ―‍Jin ko'o ni ja uwa ja ko'o sa ma, te jin kuandute ni sukan kuandute sa ma,

Marcos 14:30

Te Jesús ma, ni ndakone'e ya: ―‍Ja ndaa ká'an sa ja jakuaa vitna, ni ñatuu kana‑ka li'li ma ja ku‑uu jichi ma, te jâ ni ku‑uni jichi ja ká'an ni ja ñatuu jini ña'a ni ―‍kúu ya jiña'a ya.

Marcos 14:32

Sani te ni jan koo de ji'in ya in nuu nani Getsemaní, te Jesús ma, jiña'a ya nuu tee ka ndikin ya ma: ―‍Jin kunukoo ni ya'a, nani ki'in sa jin kakan‑ta'vi sa nuu Su'si ma ―‍kúu ya jiña'a ya.

Lucas 23:23

Kovaa vi'i‑ka ka kayu'u i, ka jikan i ja na skuita kaa de ya nuu krusi ma. Te ja ka kayu'u xeen i ma, ni ka kundee i ja ka kúni i ma.

Juan 13:37

Pedro ma, jiña'a de: ―‍Señor, ¿nava'a ma kuu ki'in o vitna? ¡Ûni iyo sa ja chunaa sa nuu tniñu ni! ―‍kúu de jiña'a de.