Marcos 10:25 - New Testament Psalms and Proverbs in Mixtec Magdalena Peñasco

²⁵ Su'va yachi‑ka kuu kivi in kiti kúu camellu ma in yavi xuu yiki tiku ma, sana in ñayii xiku ma, kivi i nuu tátnuni Su'si ma ―‍kúu ya jiña'a ya.

Marcos 10:25 ပူးပေါင်းရင်းမြစ်များ

Proverbios 11:28

Te ñayii kúkanu ini nuu ja ní'i tna'a i ma chi ndo'o i sukan kúu nda'a yutnu ma ja nú ni yichi ma chi ii‑ii‑ni jinkava i ma, kovaa ñayii sa'a ja va'a ja ndaa ma chi sukan kúu yutnu vivii ve ndukuii tnu ma ja ve nana nda'a tnu ma, sukan kúu i.

Mateo 23:24

’Vaa ja sukan ka sa'a ka kuu ni a, te sukan ka kuu tee ka ndasijin tiukun lilikin ma kovaa ka kokon de kiti ka kuu camellu ma, sukan ka kuu ni. Te chukan kúu ja masu kuu jin ko kuu ni tee jin kaxtnu'u nuu in‑ka ñayii ma.

Marcos 10:26

Nuu ni ka jiniso'o de sukan ma, te ni ka sa'vi xeen‑nka ini de, te ka jikan‑tnu'u tna'a de: ―‍¿Na in kuu ndani'i ta'vi, ja sukan? ―‍ka kuu de ka ka'an de.

Lucas 18:25

Su'va yachi‑ka kuu kivi in kiti kúu camellu ma in yavi xuu yiki tiku ma sana ja in ñayii xiku ma, kenda i ja koo i ji'in Su'si ma nuu tatnuni ya ma ―‍kúu ya jiña'a ya.