Marcos 10:24 - New Testament Psalms and Proverbs in Mixtec Magdalena Peñasco

²⁴ Te ni ka sa'vi‑nka ini tee ka ndikin ya ma ja ni ka'an ya sukan ma, kovaa ni ndaka'an ya in‑ka jichi: ―‍Sa'ya sa, ¡naka yii kúu ja in ñayii xiku ma, te kuu kivi i nuu tátnuni Su'si ma, kuechi ja kukanu ini i ndaka ja neva'a i ma!

Marcos 10:24 ပူးပေါင်းရင်းမြစ်များ

Salmos 17:14

Iya Tátnuni, ji'in tnu'u ndee tnu'u ndatnu ni a, sa'a ni ja kaku sa nuu ñayii ka sa'a ja u'vi ma, visi ka ni'i ka tna'a maa i ñuu ñayivi a te ka tnaa chitu maa i chii i ma ji'in ndaka ja iyo a te ka wa'a i ndaka ja ka neva'a i ma ja jin kaa sa'ya i ma, visi ñatuu ka kundee‑ka sa'ya i ma ja jin kaa i ma. Kovaa nuu maa ni ma másu nawa iyo ja jin ni'i i.

Salmos 52:7

Jin konde'ya ni, te jin kuni ni ja sukan ni ndo'o tee ñatuu ni kukanu ini Su'si o ma ja suu ya sa'a ja kaku de ma te masu skenaa de maa de ma nkuu. Kovaa su'va nuu ja kua'a xen‑xeen ja ni yo ni'i ni yo tna'a de ma ni kukanu ini de, te ni yo jatanuu‑ka de ja u'vi ni yo sa'a de ma, te ni skenaa de maa de.

Salmos 62:10

Máko kukanu ini ni ja onde sa'a ndeva'a ni ñayii ma sana ni'i ni nawa kúni ni ma, ni a sakui'na ni sana kuxiku ni. Te nú ve kuxiku ni ma, máko kukanu ini ni xu'un ni ma.

Proverbios 11:28

Te ñayii kúkanu ini nuu ja ní'i tna'a i ma chi ndo'o i sukan kúu nda'a yutnu ma ja nú ni yichi ma chi ii‑ii‑ni jinkava i ma, kovaa ñayii sa'a ja va'a ja ndaa ma chi sukan kúu yutnu vivii ve ndukuii tnu ma ja ve nana nda'a tnu ma, sukan kúu i.

Proverbios 18:11

Ñayii xiku ma chi kúkanu ini xeen i ja neva'a i ma, te jani ini i ja sukan kúu in ñuu nuu ndesi vava'a ni‑ka'nu yu'u ñuu ma ja ñatuu na in kuu kivi ma, sukan jani ini i ja kúu ja kúxiku i ma.

Proverbios 23:5

vaa kona'a ni ja ko ni'i ko tna'a o ma chi masu na nde jiniñu'u, vaa nunuu‑ni koneva'a o sani te kua'an maa i. Sukan kuu ya'a tioko ma ja kúu ndáva ndáva‑ni ti ndáa ti kua'an ti sani te ni masu kuni‑ka o ti ma, sukan‑ni kúu ja ko kuxiku o ma.

Mateo 19:25

Te tee ka ndikin ya ma, nuu ni ka jiniso'o de sukan ma, te ni ka sa'vi xeen‑nka ini de, te ka ka'an maa de: ―‍¿Na in kuu ndani'i ta'vi ja sukan? ―‍ka kuu de ka ka'an de.

Marcos 1:27

Ndaka ñayii ma ni ka yu'u, te ni ka jakondee i ka jikan‑tnu'u tna'a ndi‑in ndi‑in i: ―‍¿Nawa kúu ja ni ka jini o a? Tnu'u ya'a chi tnu'u jaa kúu, vaa tee káxtnu'u a chi iyo tnu'u ndee tnu'u ndatnu de, te jini ndija de ndaka tnu'u ká'an de a. Onde nuu tachi ma ni tatnuni de, te ni ka kandija i nuu de ―‍ka kuu ñayii ma ka ka'an i.

Marcos 10:23

Te Jesús ma, nde'ya ya ni‑ka'nu xiñi ya ma nuu ka iyo tee ka ndikin ya ma, te jiña'a ya: ―‍¡Naka yii kúu ja tee ka kuu xiku ma, te jin kivi koo de nuu tátnuni Su'si ma! ―‍kúu ya jiña'a ya.

Lucas 16:14

Tee ka kuu fariseo ma, ka jatna ini de xu'un ma, te ni ka jiniso'o de sukan ni ka'an Jesús ma, te ka jakundee de ya.

Juan 13:33

Sa'ya maa sa, masu koo‑ka sa ji'in ndijin kua'a‑ka kii. Ndijin chi jin ndanduku ña'a ni, kovaa suni maa tna'a ja ni jiña'a sa tee judío ma, te ká'an sa vitna nuu ndijin: Masu kuu jin koo ni nuu no'o sa ma.

Juan 21:5

Jesús ma, ni jikan‑tnu'u ya: ―‍Ndijin, ¿ñatuu kuiti na tiaka ka tava ni? ―‍kúu ya jiña'a ya. Te ni ka ndakone'e de: ―‍Ñatuu kuiti ―‍ka kuu de ka jiña'a de.

Juan 6:60

Ja ni ka jiniso'o i sukan ni kaxtnu'u ya ma, kua'a ñayii ka ndikin Jesús ma, ka ka'an i: ―‍Tna'a ja ká'an de a chi yii xeen ja kandija o. ¿Na in kuu koniniso'o ja ká'an de a? ―‍ka kuu i ka ka'an i.

Gálatas 4:19

Sa'ya maa sa, in‑ka tuku jichi ka sa'a ni ja ndándo'o ndáneni sa sukan u'vi in ña'a yikuu káku sa'ya ma, vaa kúni sa ja jin ndasa'a ni kuenda sukan kúni Cristo ma ja jin ko kuu o nuu ya te jin kutu'va ni ja jin ko sa'a ni ja vii ja va'a ndija sukan sa'a maa ya ma.

1 Timoteo 6:17

Te tatnuni ni nuu ñayii ka kuxiku tiempu ya'a ja máko jin kani ini i ja maa i ka kuu‑ka ma, ni a jin kukanu ini i nuu xu'un i ma. Vaa xu'un ma chi ní'i o, te sani te ndí'i tuku maa i. Su'va jín kukanu ini i nuu Su'si iya téku ma ja maa ya kúu iya táa ndaka tu'u nawa neva'a o ma, te su'va kua'a‑ka taa ya, sukan‑va'a jin kuatniñu va'a o sukan kúni ya ja jin sa'a o ma, te jin koo sii ini o.

1 Juan 2:1

Sa'ya maa sa, tée sa tnu'u ya'a, sukan‑va'a máko jin ndakuiso kuechi‑ka ni. Kovaa nú na in ndiso kuechi i, iyo maa Jesucristo ma ja chindee ña'a ya ja xnaa ya kuechi i ma nuu Su'si ma, vaa suu ya kúu iya sa'a ja va'a ja ndaa ma.

1 Juan 4:4

Sa'ya maa sa, ndijin chi sa'ya Su'si ma ka kuu ni, te jâ ni ka kundee ni nuu ñayii ka xnda'vi tna'a ma, vaa iya ka iyo ji'in ni a chi iya kúndee nuu suchi iyo ñuu ñayivi a kúu ya.

1 Juan 5:21

Sa'ya sa, másu ko jin tu'va ni nuu ja masu Su'si ka kuu ma. Te sukan kó kuu.

Apocalipsis 3:17

Vaa ká'an ro: Ru'u ya chi kúxiku ri, te ni kuxiku‑ni maa ri, te ñatuu nawa jiniñu'u‑ka ri, ká'an ro. Te masu jini ro ja masu iyo sii ini ro, su'va kunda'vi ro, te kuaa ro, te iyo vichi ro, te ni masu ja kuu kúu ro.