Marcos 10:18 - New Testament Psalms and Proverbs in Mixtec Magdalena Peñasco

¹⁸ Te Jesús ma, ni ndakone'e ya: ―‍¿Nava'a xnani ña'a ni teskua'a va'a ini? Masu na in‑ka va'a ini chi maa in‑ni Su'si ma.

Marcos 10:18 ပူးပေါင်းရင်းမြစ်များ

Salmos 119:68

Kovaa ndijin chi iya va'a ini kúu ni, te sa'a ni ja va'a, te káxtnu'u ni tnu'u tátnuni ni ma nuu sa.

Salmos 145:9

Iya va'a xeen ini kúu Iya Tátnuni ma nuu ndaka o, te vivii jito ya ndaka tu'u ja ni sa'a ya ma.

Salmos 86:5

Vaa maa ni chi iya va'a ini kúu ni, vaa sákanu ini ni na kuechi ñayii ma, te ka'nu xeen ini ni, te kúnda'vi ini xeen ni ndaka ñayii ka ndakune'e ña'a ma.

Mateo 19:17

Te Jesús ma, jiña'a ya: ―‍¿Nava'a jikan‑tnu'u ni nuu sa siki ja va'a ma? Masu na in‑ka sa'a ja va'a chi maa in‑ni Su'si ma. Kovaa nú kúni ni ja ndani'i ta'vi ni te koteku ni ni‑kani ni‑jika, te kandija ni ndaka sukan ni tatnuni Su'si ma ―‍kúu ya jiña'a ya.

Marcos 10:17

Nuu ni kee ya ja ki'in tuku ya ma, te jinu in tee ni kenda de, te ni jinkuiñi jiti de nuu ya ma, te jikan‑tnu'u de: ―‍Teskua'a va'a ini, ¿nawa sa'a sa, sukan‑va'a ndani'i ta'vi sa, te koteku sa ni‑kani ni‑jika? ―‍kúu de jiña'a de.

Marcos 10:19

Jâ jini ni ndaka ja ni tatnuni ya ma: “Másu ko ka'ni ni ni‑in ñayii. Másu ko kivi nduu ni ji'in in‑ka ña'a. Másu ko sakui'na ni. Másu ko ka'an tnu'u ni siki in‑ka ñayii ma. Másu ko xnda'vi tna'a ni ma. Kava respetu ni nuu yuva ni ma ji'in nuu si'i ni ma” ―‍kúu ya jiña'a ya.

Lucas 18:19

Te Jesús ma, ni ndakone'e ya: ―‍¿Nava'a xnani ña'a ni teskua'a va'a ini? Masu na in va'a ini, nú masu ja maa in‑ni Su'si ma.

Romanos 3:12

Ndaka i ni ka ski'in maa i. Ndaka i, masu ñayii jin kuu‑ka ka kuu i. Ñatuu na in sa'a‑ka ja va'a, ni a in‑nka i.

Santiago 1:17

Ndaka ja va'a ja ndaa ka ndani'i o a chi onde sukun nuu iyo Su'si ma vee, te Su'si ma kúu iya ni sa'a ndaka ja ka ndu'va ka iyo onde andivi ma. Te maa ya chi masu ndaxsama ya ja jani ini ya ma, sukan kúu kati kuanda'vi ma.

1 Juan 4:16

Te sa'a, saa ni ka jini o, te ni ka kandija o ja kútoo ña'a Su'si ma. Te Su'si ma, iya kútoo ña'a kúu ya, te ñayii ka kutoo tna'a ma, ka iyo i ji'in Su'si ma, te Su'si ma iyo ji'in i.

1 Juan 4:8

Kovaa ñayii ñatuu ka kutoo tna'a ma, ñatuu ka jini i Su'si ma, vaa Su'si ma chi iya kútoo ña'a kúu ya.