Marcos 1:25 - New Testament Psalms and Proverbs in Mixtec Magdalena Peñasco

²⁵ Te ni ndonda ya nuu tachi ma, jiña'a ya: ―‍Kasiyu'u, te xndoo tee ya'a ―‍kúu ya jiña'a ya.

Marcos 1:25 ပူးပေါင်းရင်းမြစ်များ

Salmos 50:16

Kovaa ñayii sa'a ja u'vi ma chi kuña'a Su'si ma: “¿Nava'a ndáka'an ni ja jini ni tnu'u ni tatnuni sa ma, te ndáka'an ni sukan ni skuiso sa ma, kovaa maa ni chi ni masu sa'a ni sukan tátnuni sa ma?

Mateo 9:30

Te nuu ni ka ndanune nduchinuu tee yukan, te Jesús ma, ñukuun ni tatnuni ya nuu de ja ñatuu na in jin kuña'a de.

Marcos 1:24

―‍¿Nava'a kivi nduu ni nuu ka iyo saña, Jesús tee ñuu Nazaret ma? ¿Vee ni ja xnaa ña'a ni? Saña chi jini ña'a sa, te jini sa ja iya ii vee nuu Su'si ma kúu ni ―‍kúu i jiña'a i.

Marcos 1:26

Te tachi ma chi ni skisi ni'ni i de, te ni xtuu ni xndii i de, te ni kayu'u nini'i de, te ni kee i ini anua de ma, te kua'an i.

Marcos 1:34

Jesús ma, ni ndasava'a ya kua'a ñayii ka ku'u ndeva'a‑ni na kue'e ma. Te ni ndene'e ya kua'a xeen tachi ini anua ñayii ma. Kovaa ñatuu ni wa'a ya tnu'u ja jin ka'an tachi ma, vaa ni ka yo jini i na in kúu ya ma.

Marcos 9:25

Ja ni jini Jesús ma ja kua'a xeen ñayii ka iyo ma, te ni ndonda ya nuu tachi ma jiña'a ya: ―‍Tachi ñi'i tachi so'o, ru'u ya tátnuni ja na kee ro ki'in ro, te máko ndivi‑ka ro ini anua suchi ya'a ―‍kúu ya jiña'a ya.

Lucas 4:35

Te ni ndonda ya nuu tachi ma, te jiña'a ya: ―‍Kasiyu'u, te xndoo tee ya'a ―‍kúu ya jiña'a ya. Sani te tachi ma, ni skana i tee yukan nuu ñu'ú ma nuu ka iyo ndaka ñayii ma, te ni kee i de, te ñatuu na ja u'vi ni sa'a i de.

Lucas 4:41

Te kua'a ñayii ka ku'u ma, ni ka ke koo tna ña'a tachi ma, te ka kayu'u tachi ma ka ka'an i: ―‍¡Ndijin kúu Sa'ya Su'si ma! ―‍ka kuu i ka jiña'a i. Kovaa Jesús ma, ni ndonda ya nuu tachi ma, te ñatuu ni wa'a ya tnu'u ja jin ka'an i, vaa ka jini i ja suu ya kúu Cristo iya ni tetniñu Su'si ma.

Hechos 16:17

Suchi ya'a, ni ndikin ña'a i ja kuan koo sa ji'in Pablo ma, te káyu'u i ká'an i: ―‍Tee ya'a chi tee ka jinukuechi nuu Su'si iya iyo onde sukun ma ka kuu de, te ka kaxtnu'u de nuu ni ichi naxe jin ndani'i ta'vi o ma ―‍kúu i ká'an i.