Lucas 8:24 - New Testament Psalms and Proverbs in Mixtec Magdalena Peñasco

²⁴ Sani te ni ka xndoto de Jesús ma, te ka jiña'a de: ―‍¡Teskua'a! ¡Teskua'a! ¡Jin sa'vi o nuu ndute a! ―‍ka kuu de ka jiña'a de. Jesús ma, ni ndakoo ya, te ni tatnuni ya nuu kajin yi'i ma ji'in nuu ndute ma ja na jin ndunañii i. Te ndaka ni ndukuee, te nañii kuiti ni kuu.

Lucas 8:24 ပူးပေါင်းရင်းမြစ်များ

Salmos 65:7

Sukan ni'i ni'i‑nka kúu yu'u ndute nuu mar ma, kovaa maa ni kúu iya sa'a ja ndúu nañii de ma. Te sukan ni'i ni'i‑nka kua'an nuu ndute ma, te maa ni sa'a ja ndúkuee nuu de ma. Te maa ni ndása'a kuee ini ndaka ñayii ka kuni ja jin kanaa i ma.

Mateo 14:30

Kovaa ni jini de ja yi'i xeen kajin ma, te kuan kêe de nuu ndute ma nkuu, te ni kayu'u de jiña'a de: ―‍¡Señor! ¡Má kua'a ni tnu'u ja kêe sa nuu ndute a! ―‍kúu de jiña'a de.

Mateo 8:25

Sani te ni ka xndoto kunu de Jesús ma, te ka jiña'a de: ―‍¡Señor! ¡Chindee ña'a ni! ¡Nú ña'a, te jin sa'vi o nuu ndute a! ―‍ka kuu de ka jiña'a de.

Marcos 4:39

Te Jesús ma, ni ndakoo ya, te ni tatnuni ya nuu kajin yi'i ma ji'in nuu ndute ma, te jiña'a ya: ―‍Ndukuee. Koo nañii ―‍kúu ya jiña'a ya. Te ni ndukuee kajin yi'i ma, te nañii kuiti ni kuu.

Lucas 4:35

Te ni ndonda ya nuu tachi ma, te jiña'a ya: ―‍Kasiyu'u, te xndoo tee ya'a ―‍kúu ya jiña'a ya. Sani te tachi ma, ni skana i tee yukan nuu ñu'ú ma nuu ka iyo ndaka ñayii ma, te ni kee i de, te ñatuu na ja u'vi ni sa'a i de.

Lucas 4:39

Jesús ma, ni jinkoo jiti ya nuu kátuu ña ma, te ni ndonda ya nuu ka'ni ma, te ka'ni ma, ni ndee ña'a i. Sani te ni ndakoo ña, te ni satu'va ñukuun ña nawa kaa ya ji'in ñayii ka iyo ma.

Lucas 5:5

Simón ma, ni ndakone'e de: ―‍Teskua'a, niñu ka yikuu sa ka satniñu sa, te ñatuu na tiaka ni ka tava sa, kovaa maa ni tátnuni, te skee sa ñunu sa a ―‍kúu de jiña'a de.

Lucas 8:25

Sani te jiña'a ya nuu tee ka ndikin ya ma: ―‍¿Ñatuu jin kukanu ini‑ka ña'a ni? ―‍kúu ya jiña'a ya. Kovaa maa de chi ni ka yu'u de, te ni ka sa'vi‑nka ini de, te ka jikan‑tnu'u tna'a ndi‑in ndi‑in de: ―‍¿Na in kúu tee ya'a, ja tátnuni de nuu kajin yi'i a ji'in nuu ndute a, te ka kandija i a? ―‍ka kuu de ka ka'an de.