Lucas 7:38 - New Testament Psalms and Proverbs in Mixtec Magdalena Peñasco

³⁸ Te ni jinkoo ña nuu ja'a ya ma, te nda'yu ña, te ni keja'a ña ndákate ña ja'a ya ma ji'in ndute nuu ña ma. Sani te ni ndaxsichi ña ji'in ixi ña ma, te chítu chítu‑nka ña nuu ja'a ya ma, te chíso ña ndute jáxiko asi ma.

Lucas 7:38 ပူးပေါင်းရင်းမြစ်များ

Salmos 38:18

Te chukan kúu ja ndáka'an ndákachi sa nuu ni ndaka ja u'vi ni yo sa'a sa ma, sukan‑va'a sakanu ini ña'a ni.

Salmos 51:17

Su'va ja kúni ni kúu in ñayii ndákunitnuni i ja jiniñu'u ña'a i, vi Su'si. Vaa maa ni, vi Su'si, masu saxiko ni in anua nda'vi ni ndo'o ni neni ma.

Mateo 5:4

’Vava'a jin kendoo ñayii ka nda'yu ma chi ndaka'an mani ña'a maa Su'si ma.

Lucas 22:62

Sani te ni ndee Pedro ma yukan, te ni nda'yu nda'vi, ni nda'yu kee de, ja ni ndakani ini de ma.

Lucas 6:21

’Ja vava'a ka kuu ndijin ja vitna ka kokon ka yichi ni a, vaa jin ndani'i jin ndatna'a ni. ’Ja vava'a ka kuu ndijin ja vitna ka nda'yu ni a chi jin ndusii ini ni.

Lucas 7:37

Te ni kenda in ña'a ni yo kuneé ni yo ku‑uun ña, iyo ña ñuu yukan, vaa ni jini ña ja Jesús ma, jaa ya xita ji'in tee kúu fariseo ma. Te ni kenda ña ji'in in nuu ñu'u ndute jáxiko asi ma, te nanimaa vidriu alabastru kúu i.

Lucas 7:39

Te tee kúu fariseo ma tee ni kana Jesús ma ve'e de ma, ja ni jini de sukan ma, ni jani ini de: “Nute tee ya'a, in tee ndákaxtnu'u tnu'u ni wa'a Su'si ndija ma kúu de chi kunitnuni de na in kúu ña'a ke'e ña'a a, vaa in ña'a ndiso kuechi kúu ña”, jani ini de.

Juan 11:2

Te María ma kúu ña'a ni chi'i ndute jaxiko asi ja'a Iya Tátnuni ma kivi ve kuyatni Viko Pascua ma, te ni ndaxsichi ña ji'in ixi ña ma.

Santiago 4:9

Jin ndakani jin ndaka'vi ini ni, te jin ndanda'yu ni. Te jin xndoo ni ja ka kusii ka kusii ni a, te ndaka sukan ni ka iyo sii ini ni ma, na nduu i tnu'u xii ini.