Lucas 6:45 - New Testament Psalms and Proverbs in Mixtec Magdalena Peñasco

⁴⁵ Ñayii va'a ma, ká'an i tnu'u va'a, vaa tnu'u va'a ñu'u ini anua i ma, te ñayii ká'an ja u'vi ma, sukan ká'an i, vaa ja u'vi ma ñu'u ini anua i ma. Vaa ja ñu'u ini anua ñayii ma kúu ja ká'an yu'u i ma.

Lucas 6:45 ပူးပေါင်းရင်းမြစ်များ

Salmos 140:5

Ñayii yukan, ja ka jani ini i ja maa i ka kuu‑ka ma, ka jito yu'u ña'a i, te ka sa'a i in nuu ka kuni i ja na kêe sa te jin ke'en su'va ña'a i.

Salmos 59:12

Jín kuiso kuechi maa i ndaka ja u'vi ka ka'an i ma, vaa ka jani ini i ja maa i ka kuu‑ka. Te jín nukun‑tuu maa i ndaka ja u'vi ka ka'an i ma, ji'in ja ka xnda'vi i ñayii ma, te jín ndani'i jín ndatna'a maa i.

Salmos 59:7

Ûni ka ke koo ti‑iñu yu'u i ma. Sukan kúu yuchi kúu espada ma, sukan ka kuu tnu'u ndeva'a ka ka'an i ma, te ka ka'an i: “Másu kuniso'o Su'si ma ja ka ka'an o ya”, ka kuu i ka ka'an i.

Proverbios 12:18

Ka iyo ñayii ma chi tnu'u ka ka'an i ma‑ni, te ka sa'a i ja tna‑u'vi ini o vi'i‑ka sana ni xtnakue'e ña'a i, kovaa ñayii inundichi ma chi vivii ka ka'an i te ka ndataa i tnu'u kanu ini kuenda tnu'u ja in jatatna ni ji'i o te ni nduva'a o.

Proverbios 15:23

Vivii kúu ora kénda ñayii ká'an naxe sa'a o ora ñatuu ní'i ini o naxe ko kuu ma, kovaa vii xeen‑ka kúu ja maa ora jiniñu'u o ma te kénda kunu tnu'u jiniñu'u o ma.

Proverbios 4:23

Ko koto vava'a‑ka ini anua ro a sana ndaka‑ka ja neva'a ro a, vaa ini anua ro a kúu ja chindee ña'a ja koteku ro nuu Su'si ma.

Juan 7:38

Sukan ká'an nuu tutu Su'si ma, ñayii kandija ña'a ma chi onde ini anua i ma vivii ko too ndute sa'a ja koteku i, sukan vivii tóo ndute jika yute ma ―‍kúu ya jiña'a ya.

Hechos 5:3

Kovaa Pedro ma, jiña'a de: ―‍Ananías, ¿nava'a ni wa'a ni tnu'u ja ni kivi tachi ma ini anua ni a te xnda'vi ni Xtumani Ndios ma kúni ni, ja ni ndachu'u ni jaku xu'un ni ka chuya'vi ña'a i ja ñu'ú ni ma?

Efesios 3:8

Kovaa saña chi masu in ñayii kanuu‑ka kúu sa ne'un ndaka‑ka ñayii ni ka nduvii ni ka ndundoo ka iyo nuu Su'si ma, vaa kuenda kúu in suchi luluu‑ka ni kuu sa. Kovaa saa nuu saña, ni skuta'vi ña'a ya ja vii ja va'a, te ni kukanu ini ña'a ya, ja na ndakaxtnu'u sa tnu'u vii tnu'u va'a ya ma nuu ñayii masu judío ka kuu i ma, sukan‑va'a jin kuni i ja ni sa'a Cristo ma ja jin kuu i ma, vaa ûni masu kuu jin jaku'ni ini o ndaka ja ni sa'a ya ma, ji'in ja yikuu‑ka ya sa'a ya ja jin kuu ndaka o ja ka kandija o ya a.

Efesios 4:29

Ñatuu ni‑in tnu'u ndeva'a ko kee yu'u ni a, ja kuña'a ni nuu tna'a ni ma, su'va tnu'u ká'an ni ma ko kuu tnu'u kuatniñu, sukan‑va'a jin chindee tna'a ni ja jin koo va'a‑ka ni nuu Su'si ma. Te ja sukan jin sa'a ni ma, te vivii jin kuatnu'u ini ña'a ñayii ka niniso'o ña'a ma.

Efesios 5:19

Te maa tnu'u Su'si ma jin kuatniñu ni ja jin ndaka'an‑so'o nuu tna'a ndi‑in ndi‑in ni. Te tna'a ja ka jita o ma, ni‑yu'u ni‑anua ni jin kata ni, te jin ndachiñu'u ni Iya Tátnuni ma.

Colosenses 3:16

Te nanimaa tnu'u Su'si ma na jin kun‑nee ini anua ndaka ni a, te jin ndakaxtnu'u nuu tna'a ni, te ndimaa tnu'u ndichi ko kuu tnu'u jin ndaka'an‑so'o nuu tna'a ni a. Te ini anua ni a koo tnu'u sii ini, te jin kata ni yaa salmos ma, ji'in yaa ká'an sukan sa'a Iya Tátnuni ma ja jin kuu o ma, sukan‑va'a na koo jayiñu'u ya ma.

Colosenses 4:6

Ndaka ja jin ka'an ni ma, te jin ka'an ni tnu'u vii tnu'u va'a tnu'u kuatniñu, sukan‑va'a nawa jin ko kakan‑tnu'u ña'a ñayii ma, te jin ni'i ini ni naxe jin ndakone'e ni nuu ndi‑in ndi‑in i ma.

Hebreos 8:10

Chukan kúu ja nuna jinu kivi yukan ma, te tnu'u ká'an sa ya, sukan sa'a sa ji'in ñayii ñuu Israel ma. Sa'a ká'an sa ja kúu sa Iya Tátnuni a. Te chunee sa tnu'u tátnuni sa a janitnuni i ma, te ini anua i ma tee sa tnu'u tátnuni sa, te maa sa ko kuu Su'si jin ndachiñu'u i ma, te ndaka maa i ko kuu ñuu maa sa.

Judas 1:15

te ndakan ya kuenda nuu ndaka o. Te sa'a ya ja jin ndachunaa ñayii ni ka yo sa'a ja ñatuu játna ini ya ma, ñayii ni ka yo jakundee tnu'u ndaa ya ma, ñayii ni ka yo ka'an u'vi ja kuu ya ma.” Sa'a ni ka'an de.