Lucas 6:27 - New Testament Psalms and Proverbs in Mixtec Magdalena Peñasco

²⁷ ’Kovaa ndijin ja ka niniso'o ni ja ká'an sa a: Jin kutoo ni ñayii ñatuu ka kunimani nuu ni ma. Jin sa'a ni ja va'a nuu ñayii ka kiti ini nuu ni ma.

Lucas 6:27 ပူးပေါင်းရင်းမြစ်များ

Salmos 7:4

vaa masu nama uun ni sa'a ndeva'a sa ñayii iyo mani ji'in sa ma, te ni masu nama uun ni sa'a ndeva'a sa ñayii ñatuu kúnimani nuu sa ma.

Proverbios 24:17

Te ni másu ko kutachi xeen ro nú ni jini ro ja ndimaa skenaa ñayii ñatuu kúnimani nuu ro ma,

Proverbios 25:2

Jayiñu'u Su'si ma kúu ja ni sa'a ya ja ka iyo yu'u jaku‑ka ja masu ka jaku'ni ini o ma, kovaa jayiñu'u tna rey ma kúu nú ndaka ndánduku de kua'an de sukan‑va'a jaku'ni ini de ma.

Marcos 4:24

Suni jiña'a ya: ―‍Jin koniniso'o va'a ni, te jin ndasa'a ni kuenda nawa ká'an sa a, vaa ndaka ja va'a ka sa'a ka kuu nuu tna'a o ma, te sukan ndataa Su'si ma, te su'va kua'a‑ka ndataa ya nuu o.

Lucas 23:34

Jesús ma, sa'a ni ka'an ya nuu Yuva ya ma: ―‍Yuva sa, sakanu ini ni ñayii a, vaa ñatuu ka jini i nawa ka sa'a i a ―‍kúu ya jiña'a ya. Te soldado ma, ka chu'un de suerte, sukan‑va'a jin ndaka'nde de sa'ma Jesús ma.

Lucas 6:22

’Ja vava'a ka kuu ndijin kivi jin ndakiti ini ñayii ma nuu ni ma, kivi jin taji ña'a i nuu ka iyo i ma, kivi jin tee ña'a i tnu'u ma, te jin saxiko ña'a i kuenda tnu'u ja in ñayii sa'a ja u'vi ka kuu ni, kuechi ja ka kandija ña'a ni saña ja kúu sa iya vee ñayivi ñuu ñayivi a.

Lucas 6:35

Ndijin, jin kutoo ni ñayii ñatuu ka kunimani nuu ni ma, te jin sa'a ni ja va'a ma, te jin kuanuu ni, kovaa má jin kondetu ni ja nawa jin ndachunaa i. Te sukan kua'a‑ka ndataa Su'si ma. Te nú sukan ka sa'a ni, jin ko kuu ni sa'ya Su'si onde sukun ma, vaa Su'si ma chi suni kúnda'vi ini ya ñayii ndee ini ma, visi ñatuu sa'a i ja va'a ma, kovaa ndetu ya ja ndasa'a i kuenda.

Lucas 8:15

Kovaa triu ni ka jinkava nuu ñu'ú va'a ma ka kuu ñayii inuva'a ini ma, te ni‑yu'u ni‑anua i ka niniso'o i tnu'u Su'si ma, te ka sa'a i sukan ká'an tnu'u vii tnu'u va'a Su'si ma, te ñatuu ka xndoo i ichi ya a, te ndimaa ja vii ja va'a ka sa'a i.

Lucas 8:18

’Chukan kúu ja jin koniniso'o va'a ni, vaa ñayii neva'a kua'a‑ka ja vii ja luu ni skuta'vi ña'a Su'si ma chi su'va ni'i kua'a‑ka i, kovaa ñayii ñatuu nawa neva'a i ma chi su'va xtandiyo ya onde ja jani ini i ja neva'a i ma ―‍kúu ya jiña'a ya.

Lucas 8:8

Kovaa jaku tna'a ja ni ka jinkava nuu ñu'ú va'a ma, te ni ka ja'nu i, te na'nu na'nu yoko ni ka kana koo i, te ni ka chitu va'a i. Onde cientu triu ma ni ka nduu ja in triu ma. ―Sa'a jiña'a Jesús ma, te ni ka'an nini'i ya: ―‍Nde ni iyo so'o ja koniniso'o ni, te koniniso'o va'a ni ―‍kúu ya ká'an ya.

Hechos 10:38

Ja ká'an sa ya kúu ja Jesús nazareno ma, ni wa'a Su'si ma Xtumani Ndios ma ji'in tnu'u ndee tnu'u ndatnu ya ma. Te maa ya chi ni yo sa'a ya ja vii ja va'a ma, te ni yo sa'a ya ja kua'a ñayii ni ka ndayaa nuu nda'a tachi ma, vaa Su'si ma ni yo iyo ji'in ya.

Hechos 16:28

Sani te Pablo ma, ni kayu'u nini'i de, te jiña'a de: ―‍Máko sa'a ni maa ni ja u'vi, vaa ndaka sa ka iyo ya'a ―‍kúu de jiña'a de.

Hechos 7:60

Te núkoo jiti de, te ni kayu'u nini'i de: ―‍Iya Tátnuni, máko ke'en kuenda ni kuechi ñayii ya'a ―‍kúu de ká'an de. Te nuu ni ka'an de sukan ma, sani te ni ji'i de.

Gálatas 6:10

Te chukan kúu ja ndaka jichi ja iyo ja kuu jin sa'a o ja va'a ma, te jín sa'a o ja va'a nuu ndaka ñayii ma, kovaa ñukuun‑ka jín sa'a o ja va'a ma ja jin kuu tna'a o ñayii ni ka nduu ji'in o sa'ya Su'si ma.

1 Tesalonicenses 5:15

Ndaka ni ja ni ka nduu o sa'ya Su'si o a, jin ko koto va'a ni maa ni, te máko jin ndachunaa ni ja u'vi, nú in ñayii ni sa'a ña'a ja u'vi ma. Su'va ndimaa ja va'a jin ko sa'a ni nuu ndi‑in ndi‑in tna'a o a. Suni sukan jin ko sa'a ni nuu ndaka ñayii ma.

3 Juan 1:11

Gayo tee kútoo maa sa, máko ndane'e ni sukan ka sa'a ñayii ka sa'a ja u'vi ma, su'va sa'a ni ja va'a ma. Ñayii sa'a ja va'a ma, sa'ya Su'si ma kúu i, kovaa ñayii sa'a ja u'vi ma chi ñatuu jini i Su'si ma.