Lucas 24:32 - New Testament Psalms and Proverbs in Mixtec Magdalena Peñasco

³² Te ka jikan‑tnu'u tna'a i: ―‍¿Masu ja ndaa kúu ja ñatuu ka ni'i ini o naxe jin kani ini o ma, nani yikuu ya ká'an ya ichi nuu ve koo o ma te káxtnu'u ya sukan ká'an tnu'u ndee tutu Su'si ma? ―‍ka kuu i ka ka'an i.

Lucas 24:32 ပူးပေါင်းရင်းမြစ်များ

Salmos 104:34

Ora ndákani ndáka'vi ini sa ja sa'a ja kúu ya a, te na jatna ini ya sukan ndása'a sa kuenda ja ni sa'a ya ma, vaa maa sa chi kúu sii ini xeen sa nuu Iya Tátnuni ma.

Salmos 39:3

Te ûni ndó'o xeen ini anua sa ya, ja ñatuu ni ka'an sa ni‑in tnu'u jani ini sa ma, kovaa ñatuu kúndee‑ka ini sa, te kuiti va'a‑ka ni jiña'a sa ya:

Proverbios 27:17

Kaa ma chi ndi-tna'a kaa i ma, te kúu ka ndene'e tna'a i nuu i te ka nduxeen i, te suni sukan ka kuu tna ñayii ma, vaa ja ka nde'ya i sukan sa'a in‑ka ñayii ma, te ka kutu'va i sukan jin sa'a tna maa i ja va'a ma.

Proverbios 27:9

Ndute jáxiko asi ma chi sa'a i ja ndúsii ini anua o a, te ja ká'an‑so'o ñayii kétna'a ini ji'in o ma chi sa'a i ja ndúsii ini tna o.

Marcos 4:34

Chukan kúu ja ñatuu nawa ni yo kaxtnu'u ndijin ya ma, su'va ndimaa tnu'u vijin ni yo ka'an ya. Te saa ni yo ndakaxtnu'u ya nuu maa in‑ni tee ka ndikin ya ma nawa kúni ka'an ja ni yo ka'an ya ma.

Lucas 24:45

Sani te ni sa'a ya ja ni ka jaku'ni ini de sukan ndee tnu'u Su'si ma.

Juan 6:63

Vaa anua ñayii ma kúu ja sa'a ja téku i ma, te yikikuñu i ma chi masu ja kuatniñu kúu. Te tna'a tnu'u ká'an sa a chi ja ka jiniñu'u ini anua ni a kúu, vaa sa'a i ja jin koteku ni.

Hechos 28:23

Te ni ka ndatnu'u tna'a de ja jin ndatna'a de in kii, te kivi yukan chi ni ki koo kua'a de nuu iyo Pablo ma, te ni kaxtnu'u Pablo ma nuu ndaka de ma sukan tatnuni Su'si ma, te ni keja'a de káxtnu'u de onde ne'e ma te onde ni kukuee ma, te ndákaxtnu'u de sukan ká'an ja ni yo kaxtnu'u Moisés ma, ji'in sukan ka ka'an tee ni ka yo ndakaxtnu'u tnu'u ni yo wa'a Su'si ma siki iya kúu Jesús ma.

Hebreos 4:12

Vaa tnu'u Su'si o a chi téku i, te iyo tnu'u ndee tnu'u ndatnu i, te xeen‑ka i sana ja kuu yuchi kúu espada ma ja nduu nuu i ma xeen ma. Te chukan kúu ja tnu'u Su'si o a chi kívi i onde ini anua ñayii ma, ni‑ka'nu ni‑tu'u yikikuñu i ma, te sa'a i ja ndátuu ndandaa naxe iyo naxe kúu ñayii ma, naxe jani ini i ma, ji'in nawa ñu'u ini i ma.