Lucas 23:35 - New Testament Psalms and Proverbs in Mixtec Magdalena Peñasco

³⁵ Te ñayii ka iyo ma, ka nde'ya i, te onde tee ka netniñu ma, ka jakundee de ya, te ka ka'an de: ―‍Ni sa'a de ja ni ka kaku in‑ka ñayii, te na sa'a de ja kaku maa de vitna, nú ndija de ja Cristo iya ni kaji Su'si ma kúu de ―‍ka kuu de ka ka'an de.

Lucas 23:35 ပူးပေါင်းရင်းမြစ်များ

Salmos 22:17

Kuu ndaka'vi sa ndaka yiki sa ya, nani ka nde'ya ña'a i ma te ka ndaa ka nuu ña'a i ma.

Salmos 35:15

Kovaa kivi ni xtaya sa ma te ni ndo'o, ni neni sa ma chi ndaka i ni ka ndututu, te ni ka jakundee ña'a i, kuenda tnu'u ja in ñayii ñatuu nde ka jini i te ñatuu nde jiniñu'u‑ka kuu sa nuu i ma, te ûni ni ka sa'a ndeva'a ña'a i, sukan ka kuni maa i ma.

Salmos 4:2

Te sa'a ká'an ya: “Ndaka ni ja ka kuu ni sa'ya ñayii a, ¿Na saa‑ka kivi jin sa'a ni ja u'vi a, te jin ka'an ndeva'a ñayii ma ja kuu sa? ¿Te na saa‑ka kivi, ma jin ndachiñu'u ña'a ni? ¿Nava'a ka saxiko ña'a ni te ka ndachiñu'u ni tna'a ja masu Su'si ka kuu ma te ka xnda'vi ni maa ni?”, kúu ya ká'an ya.

Salmos 69:26

Vaa ni ka sondikin i ñayii ni wa'a ni tnu'u ja ni tnakue'e i ma, te ka ndakani i sukan ndó'o néni ñayii ni tnakue'e ma.

Salmos 71:11

Te ka ka'an i: “Su'si ma chi jâ ni skendoo ya tee ya'a, te jín sondikin o de, te jín tnii o de, vaa masu na in tasa'an‑ka de”, ka kuu i ka ka'an i.

Mateo 12:18

Iya ya'a kúu iya jinukuechi nuu sa a, te ni kaji sa ya, te kútoo sa ya, te játna ini sa sukan sa'a ya ma. Te Xtumani maa sa a koo ji'in ya, te kaxtnu'u ya nuu ñayii masu ñuu Israel ya ka kuu i ma sukan ndakan ndaa sa kuenda nuu ñayii ma.

Mateo 3:17

Te ni ka jiniso'o ñayii ma ja sa'a ká'an Su'si ma onde andivi ma: ―‍Iya ya'a kúu Sa'ya maa sa, te kútoo sa ya, te játna ini xeen sa ja sa'a ya a ―‍kúu ya ká'an ya.

Lucas 16:14

Tee ka kuu fariseo ma, ka jatna ini de xu'un ma, te ni ka jiniso'o de sukan ni ka'an Jesús ma, te ka jakundee de ya.

Lucas 23:13

Pilato ma, ni ndaxtutu de tee ka tatnuni nuu sutu ma, ji'in tee ka netniñu ma, ji'in ñayii ñuu ma,

Lucas 23:39

In tee ni yo sa'a ja u'vi ndenee nuu krusi ma xiñi ya ma, jiña'a de ya: ―‍¡Nú ndijin kúu Cristo ma, sa'a ni ja kaku maa ni, te sa'a tna ni ja jin kaku tna sa a! ―‍kúu de jiña'a de.

1 Pedro 2:4

Jin koo ni jin tu'va‑ka ni Jesucristo ma, vaa maa ya chi téku ya, te sukan kúu in yuu kanuu kovaa ni ka saxiko ñayii ma, sukan ni ka sa'a i ya. Kovaa nuu maa Su'si ma chi kuenda tnu'u ja in yuu vivii kúu ya, ja ni kaji maa Su'si ma, ja sotna'a ya in ve'e.