Lucas 22:55 - New Testament Psalms and Proverbs in Mixtec Magdalena Peñasco

⁵⁵ Te sasava nuke'e ma ni ka xndu'va ñayii ma ñu'u, te ni ka jinkoo i yu'u ñu'u ma. Te Pedro ma, ni jinkoo tna de ne'un ñayii ma.

Lucas 22:55 ပူးပေါင်းရင်းမြစ်များ

Salmos 1:1

¡Naka vii naka va'a kúu ñayii ja ñatuu jika i ichi ka jika ñayii ka sa'a ja masu játna ini Su'si ma, ni a jínkuiñi i ichi nuu ka iyo ñayii ka sa'a ja u'vi ma, ni a jínkoo i nuu ka nukoo ñayii ka jakundee ñayii ka sa'a ja va'a ma!

Salmos 28:3

Máko ki'in ni jin xsia'a ña'a ni nuu jin xsia'a ni ndaka ñayii ka sa'a ja u'vi ma, ja ndimaa ja u'vi ma ka ñu'u ini i ja jin sa'a i ma. Te ndaka ñayii ya'a chi ka ka'an i ja ka iyo mani i ji'in tna'a i ma, kovaa masu inundija i ja ka ka'an i ma chi ndimaa ja u'vi ka ñu'u ini i.

Proverbios 13:20

Ñayii ndikin tna'a ji'in ñayii ndichi ma chi ñayii ndichi ko kuu tna i, kovaa ñayii ndikin tna'a ji'in ñayii inuso'o xeen ka ndaa ma chi ko kuu tna i sukan te skenaa tna i maa i.

Proverbios 9:6

Jin xndoo ni ja ka kuneé ka ku‑uun ni a te jin koteku ni te jin kondikin ni jin ko sa'a ni sukan ká'an tnu'u ndichi ma”, ka kuu i ka jiña'a i.

Mateo 26:3

Sani te tee ka tatnuni nuu sutu ma, ji'in tee ka kuu ja'nu ma, ni ka ndatna'a de nuke'e ve'e tee kúu Caifás tee tátnuni nuu sutu ma.

Lucas 22:44

Te yikuu ya kuxii kunda'vi xeen ini ya, te jikan‑ta'vi jikan‑ta'vi‑nka ya nuu Yuva ya Su'si ma, te kuun kuun‑nka ña'a tnaa ya ma, te kuenda niñi kúu i, jinkoo i nuu ñu'ú ma.

Lucas 22:56

Sani te ni jini in suchi si'i jinukuechi ma ja núkoo Pedro ma yu'u ñu'u ma, te nde'ya vava'a i de, te jiña'a i: ―‍Suni tee ya'a ni yo iyo ji'in Jesús ma ―‍kúu i jiña'a i.

1 Corintios 15:33

Kovaa máko jin kua'a ni tnu'u ja jin ko xnda'vi ña'a i ja sukan ka ka'an i ma. Vaa ñayii ka ndikin tna'a ji'in ñayii ka sa'a ja u'vi ma chi jaku‑ni, te jin ndasa'a tna i ja u'vi sukan ka sa'a ñayii yukan ma.