Lucas 20:42 - New Testament Psalms and Proverbs in Mixtec Magdalena Peñasco

⁴² Te vitna ja David ma, nuu tutu ni tee de salmo ma ni ka'an de: Iya Tátnuni ma jiña'a nuu iya tátnuni nuu sa a: “Kunukoo ro xiñi kua'a ri a,

Lucas 20:42 ပူးပေါင်းရင်းမြစ်များ

Salmos 110:1

Su'si Iya Tátnuni ma jiña'a nuu iya tátnuni nuu sa a: “Kunukoo ro xiñi kua'a ri a, te onde nú ni kundee ri skendoo ri ndaka suchi ñatuu ka kunimani nuu o ma chii ja'a ro a, te kuiñi ndoso ro i”, kúu ya jiña'a ya nuu iya tátnuni nuu sa a.

Lucas 20:43

te onde nú ni kundee ri skendoo ri ndaka suchi ñatuu ka kunimani nuu o a chii ja'a ro a”, sa'a ni jiña'a ya ma.

Lucas 24:44

Sani te jiña'a ya: ―‍Cha'a ka kuu tnu'u ni kaxtnu'u sa nuu ni ma, nuu ni ka yo iyo o ma, ja jiniñu'u ja ko kuu ndaka sukan ká'an tnu'u ni tatnuni Su'si ma ja ni kaxtnu'u Moisés ma ja kuu sa ma, ji'in sukan ndee nuu tutu tee ni ka yo ndakaxtnu'u tnu'u ni yo wa'a Su'si ma, ji'in sukan ndee nuu tutu salmo ma ―‍kúu ya jiña'a ya.

Hechos 1:20

Vaa nuu tutu ndee Salmo ma ká'an: Ve'e de ma chi nduu i in nuu masu na in koo‑ka, ve'e nuu masu na ñayii koo‑ka, ká'an, te ka'an tna: in‑ka ñayii nukuiñi nuu tniñu de ma, ká'an.

1 Corintios 15:25

Vaa jiniñu'u ja tatnuni Cristo ma ñuu ñayivi ya, onde kundee ya nuu ja ñatuu kúnimani nuu ya ma te skendoo ya i chii ja'a ya ma.

Hebreos 1:13

Vaa Su'si ma, masu nama uun ni jiña'a ya nuu ni‑in ángel ya ma: Kunukoo xiñi kua'a ri a. Kovaa nuu Sa'ya ya ma chi ni jiña'a ya: Kunukoo ro'o xiñi kua'a ri a, onde nú ni kundee ri ja ni ndenda koo ñayii ñatuu ka kunimani nuu o ma chii ja'a ro a, te kuiñu ndoso ro i. Sa'a ni jiña'a Su'si ma nuu Sa'ya ya Jesús ma.

Hebreos 3:7

Chukan kúu ja sa'a ni ka'an Xtumani Ndios ma nuu tutu ndee tnu'u Su'si ma: Te nuna jin koniniso'o o vitna tnu'u ká'an Su'si o ma, vaa sa'a ká'an ya: