Lucas 2:28 - New Testament Psalms and Proverbs in Mixtec Magdalena Peñasco

²⁸ Te Simeón ma, ni kanundee de ya, te ni ndachiñu'u de Su'si ma, jiña'a de:

Lucas 2:28 ပူးပေါင်းရင်းမြစ်များ

Salmos 32:11

Jin koo sii ini ni nuu Iya Tátnuni ma, te jin koo sii ini xeen ni, ja ka kuu ni ñayii ka sa'a ja va'a ja ndaa ma, te jin kata ndaka ni, ja ka kuu ni ñayii ka iyo ndaa ini anua ni a nuu Su'si ma.

Marcos 10:16

Te ni kanundee ya suchi kuechi ma, te ni sonee ya nda'a ya siki i ma, te ni ka'an ya ja va'a ja vii ja jin ko kuu i.

Marcos 9:36

Sani te ni jani ya in suchi luluu me'ñu ndaka de ma, te ni kanundee ya i, te jiña'a ya:

Lucas 1:46

María ma, jiña'a i: ―Ini anua sa a ndáchiñu'u ja sa'a Iya Tátnuni ma,

Lucas 1:64

Te maa ora yukan‑ni, sani te ni kuu ni ndaka'an Zacarías ma, te ni keja'a de ndachiñu'u de Su'si ma.

Lucas 1:68

―¡Ja va'a kúu Iya Tátnuni ma, Su'si ñuu Israel ya! Vaa vee ya ja sa'a ya ja kaku ñuu ya a nuu tnundo'o tnuneni ma.

Lucas 2:20

Te tee ka jito ndikachi de ma, ni ka ndakokuiñi de, te ka ndachiñu'u de Su'si ma ja ndaka ja ni ka jini de ma te ni ka jiniso'o de ma, ndaka ni yo kuu sukan ni ka'an ángel ma.

Lucas 2:27

Maa Xtumani Ndios ma ni sa'a ja Simeón ma, ni ja'an de onde veñu'u ka'nu ma. Te ni ka kivi koo José ma ji'in María ma ji'in Jesús ma, sukan‑va'a jin sa'a de sukan tátnuni tnu'u ni ka'an Moisés ma.

Lucas 2:29

―Vitna vi, Iya Tátnuni, jâ kuu ndakuan‑ta'vi ni nuu sa ja jâ ni yo jinukuechi sa nuu ni, te ndatatu sa, te kúsii ini sa, sukan ni skuiso ni nuu sa a.