Lucas 18:30 - New Testament Psalms and Proverbs in Mixtec Magdalena Peñasco

³⁰ ndani'i kua'a xeen‑ka i ja koneva'a i ñuu ñayivi a, te kivi ki'in o ma ndani'i ta'vi i, te koteku i ni‑kani ni‑jika ―‍kúu ya jiña'a ya.

Lucas 18:30 ပူးပေါင်းရင်းမြစ်များ

Salmos 119:103

Te ûni játna ini xeen sa sukan ká'an tnu'u maa ni a sana in ja asi xeen jini yu'u sa ma. Vixi‑ka tnu'u maa ni a sana nduxi ñuñu ma jini sa.

Salmos 119:111

Ni tnii sa ndaka ja ni skuiso ni ma ja ko kuu ta'vi sa ni‑kani ni‑jika, te suu i kúu ja ndása'a sii ini ini anua sa ya ndaka ora.

Salmos 119:127

Chukan kúu ja saña chi kútoo xeen sa ndaka ja tátnuni ni ma. Vi'i‑ka kútoo sa tnu'u maa ni a sana xu'un ma, visi nanimaa oro kúu i ma.

Salmos 119:162

Kovaa kúu sii ini sa nuu tnu'u tátnuni ni ma. Kuenda kúu in ñayii ja ni ndani'i i kua'a xeen xu'un, sukan kúu sa.

Salmos 119:72

Nuu saña, vi Su'si, chi va'a xeen‑ka kúu tnu'u ká'an káchi ni a sana ja ni'i sa kua'a xeen xu'un oro ma xi xu'un plata ma.

Salmos 37:16

Ja va'a‑ka kúu visi vala‑ni ja neva'a ñayii sa'a ja va'a ma sana ja kua'a xeen‑ka ja ka neva'a ñayii ka kuxiku ma te ka sa'a i ja u'vi ma.

Mateo 12:32

Te Su'si ma, sakanu ini ya nuu ñayii ka ka'an ndeva'a ja kuu saña ja kúu sa iya vee ñayivi ñuu ñayivi a, kovaa masu sakanu ini ya ñayii ká'an ndeva'a ja kuu Xtumani Ndios ma, ni a tiempu ya'a ni a kivi ki'in o ma.

Mateo 4:24

Te ni‑ka'nu ñuu Siria ma ni ka jini i sukan sa'a sukan kúu ya ma, te ni ki koo i ni ki xsia'a i ndaka ñayii ka ndo'o ka neni ndeva'a‑ni nuu kue'e ma, ji'in ñayii ka ndo'o ka neni nuu tachi ma, ji'in ñayii ka nduneé xini i ma, ji'in ñayii ñatuu kúu jin kanda i ma, te ni yo ndasava'a ya i.

1 Timoteo 4:8

Te kona'a ni ja ndaka ja sa'a ja kúu o sukan‑va'a koo‑ka tnu'u ndee tnu'u ndatnu yikikuñu o a chi vala‑ni chíndee ña'a i, vaa ja kuu yikikuñu o a‑ni kúu. Kovaa ja kútu'va o ja sa'a ja kuu o sukan játna ini Su'si o a chi ndaka tu'u chíndee ña'a i, vaa chíndee ña'a i ja koo va'a ini anua o a ji'in yikikuñu o a nuu Su'si ma, vaa jâ ni skuiso Su'si ma ja iyo ja jin ni'i o nani ka iyo o ñuu ñayivi ya, ji'in ja jin ni'i o kivi ndenda koo o nuu ya ma.

1 Timoteo 6:6

Ja ndaa kúu ja nuna jin ko sa'a o sukan játna ini Su'si ma chi jin ko ni'i jin ko tna'a o ja taa maa Su'si ma. Sa'a ko kuu ji'in ñayii ka iyo sii ini i ji'in nawa ka neva'a i ma‑ni.

Apocalipsis 2:10

’Má koyu'u ro sukan ndó'o néni ro a, chi vaa tachi ma chi chinee i nde ro a vekaa ma ja kototnuni ña'a i, te ndo'o neni ro uxi‑ni kivi. Kovaa maa in‑ni ri ku'un ini ro onde kivi kûu ro ma, te skuta'vi ña'a ri in corona ja kúni ka'an ja koteku ro ni‑kani ni‑jika.

Apocalipsis 2:17

’Nde ni iyo so'o, te koniniso'o va'a ni ja ká'an Xtumani Ndios ma nuu ñayii ka kandija Su'si ma ja ka ndatna'a i ndaka ñuu ma. Nú na in na kundee ja sa'a i ja va'a ma chi kua'a sa ja kaa i ja nani maná ma ja ñatuu na in jini ma, te kua'a sa in yuu kuijin luluu vivii kaa, te nuu yuu yukan nukondee ja nukonani jaa i ma, te ni‑in ñayii masu kuu kuni, nú masu ja maa in‑ni ñayii kuta'vi ma.” ―‍Sa'a ni ka'an ya.

Apocalipsis 3:21

’Nú na in kundee ja sa'a i ja va'a ma, te kua'a ri tnu'u ja kunukoo i ji'in ri nuu tatnuni ri ma, sukan tna ni kundee ri ma, te ni jinkoo ri ji'in Yuva ri ma nuu núkoo ya ja tátnuni ya ma.