Lucas 18:14 - New Testament Psalms and Proverbs in Mixtec Magdalena Peñasco

¹⁴ Ká'an sa ja tee ndáke'en ya'vi xu'un no'o ñuu Roma ma, nuu kuan no'o de ve'e de ma, te jâ ni sakanu ini ña'a Su'si ma, kovaa tee kúu fariseo ma, ñatuu. Vaa nú na in sa'a tnu'u ja maa i ma kúu ja kuu‑ka vaa va'a‑ni sa'a va'a‑ni kúu i, jani ini i, chi suni kendoo nda'vi‑ka i te ndatna'a i ja kan‑nuu. Te ñayii jani ini ja masu nde jiniñu'u i ma vaa ja sa'a ja kúu i ma masu ja va'a kúu, ñayii yukan nduu in ñayii kanuu‑ka ―‍kúu ya jiña'a ya.

Lucas 18:14 ပူးပေါင်းရင်းမြစ်များ

Salmos 138:6

Vaa Su'si Iya Tátnuni, iya iyo onde sukun ma kúu ni, te ndí ini ni ja jin kuu ñayii nda'vi ma. Kovaa jika‑ni nde'ya ni ñayii ka jani ini ja maa i ka kuu‑ka ma.

Salmos 143:2

Te saña ja jinukuechi sa nuu ni a, nú nde a masu va'a‑ni ni sa'a sa ma, sakanu ini ña'a ni, vaa masu na in kuu ka'an i ja masu na kuechi i nuu maa ni a, vi Su'si.

Proverbios 15:33

Nú jan‑ta'vi o ja ka ndaka'an‑so'o i nuu o ma chi jayiñu'u Su'si ma kúu, vaa jandetu o nuu ya ma, vaa nuna kava kuee ini o te kani ini o ja maa Su'si ma sana kuu nawa sa'a o ma chi koo jayiñu'u o.

Proverbios 18:12

Ñayii kúvixi xeen ma chi ja ndetu ña'a kúu ja skenaa ndi'i i ja neva'a i ma, kovaa ñayii jani ini ja masu ñayii kanuu kúu i ma chi ja ndani'i i ma kúu jayiñu'u i.

Proverbios 25:7

Va'a‑ka ja maa ñayii kanuu ma na kana ña'a ja kaa ni te kunukoo ni nuu iyo i ma, sana ja jin ka'an i: “¿Nawa ndúku ni ja vee ni nuu iyo tee tátnuni ya?”, te kukan‑nuu ni vaa ka nde'ya ña'a de ma.

Proverbios 29:23

Ñayii kúvixi ma te jani ini i ja maa i kúu‑ka ma chi masu na'a‑ni te jin sa'a ñayii ma ja ndatna'a i ja kan‑nuu, kovaa ñayii jani ini ja masu nawa kuu sa'a i ja maa in‑ni i ma chi su'va masu na'a‑ni te ndani'i i jayiñu'u nuu ñayii ma.

Proverbios 3:34

Ja ndaa ndija ja sukan sa'a ya ji'in ñayii ka ka'an yichi ka ka'an su'va‑ni i tnu'u ká'an ya ma, kovaa ñayii ka ka'an ja masu nawa kuu jin sa'a maa i ma nú masu ja onde ja maa ya ma sana kuu nawa jin sa'a i ma chi skuta'vi ya i ja vii ja va'a.

Mateo 23:12

Vaa nú na in jani ini ja kanuu‑ka i sana ndaka‑ka ñayii ma chi ndatna'a i ja kan‑nuu. Te nú na in jani ini ja in ñayii masu kanuu kúu i chi in ñayii kanuu‑ka ko kuu i nuu Su'si ma.

Mateo 5:3

―‍Vava'a jin kendoo ñayii ka ndakunitnuni ja ka jiniñu'u i Su'si ma, vaa kivi tatnuni Su'si ma, nuu koo ya ma, yukan jin koo i ji'in ya.

Lucas 1:52

Ni xtandiyo ya nuu ka nukoo rey ma, te ni wa'a ya jayiñu'u ñayii ka ndakunitnuni ja ka jiniñu'u i Su'si ma.

Lucas 10:29

Kovaa tee skua'a tnu'u ni kaxtnu'u Moisés ma, sa'a de tnu'u ja tee sa'a ja va'a kúu de, te jiña'a de nuu Jesús ma: ―‍¿Naxe sa'a sa ja kuni sa ja kútoo sa ñayii ma? ―‍kúu de jiña'a de.

Lucas 14:11

Vaa nú na in sa'a tnu'u ja kanuu‑ka i ma, suni kendoo nda'vi i, te kukan‑nuu i. Te ñayii sa'a tnu'u ja masu ñayii kanuu‑ka kúu i ma, te ñayii yukan, nduu i in ñayii kanuu‑ka ―‍kúu ya jiña'a ya.

Lucas 16:15

Jesús ma, jiña'a ya: ―‍Ndijin, ka sa'a ni tnu'u ja ñayii va'a‑ka ka kuu ni sana in‑ka ñayii ma, kovaa Su'si ma, jini ya naxe ka iyo ini anua ni a. Vaa iyo ja ka jani ini ñayii ma ja ja va'a‑ka kúu, kovaa Su'si ma, saxiko ya ndaka chukan.

Romanos 3:20

Vaa visi tnuñu maa ñayii ma ja sa'a i ndaka sukan ndee tnu'u ja ni wa'a Su'si ma nuu Moisés ma, kovaa ni a in ñayii ma, masu kundee i sa'a i ja va'a nuu ya ma te ndani'i ta'vi i. Vaa tnu'u ni wa'a Su'si ma nuu Moisés ma, yika‑ni ja sa'a i kúu ja ndákunitnuni ñayii ma ja ja u'vi ni sa'a i ma te ni jiso kuechi i nuu Su'si ma.

Romanos 4:5

Kovaa Su'si ma kúu iya sa'a ja onde ñayii ka sa'a ja u'vi ma te ka ndiso kuechi i ma chi kuu jin ko kuu i ñayii jin ko sa'a ja va'a ja ndaa. Nuna jin kukanu ini i Su'si ma, te ka'an Su'si ma ja kuechi ja ni ka kukanu ini i ya ma, te ñayii va'a ni ka nduu i.

Romanos 5:1

Ja ni ka kukanu ini o Su'si ma, te ni ndasandaa ni ndasandija ña'a ya, te ja maa Jesucristo iya tátnuni nuu o a, te ni sa'a ya ja jin koo mani o ji'in Su'si ma.

Romanos 8:33

Te kivi ndakan Su'si ma kuenda nuu ñayii ma, ¿na in xtekuechi ñayii ni ndakaji Su'si ma? Masu na in xtekuechi ña'a, vaa maa Su'si ma kúu iya ni sa'a ja ni ka nduu i ñayii ka sa'a ja va'a ja ndaa ma.

Gálatas 2:16

Kovaa ka jini o ja ñayii ma, visi na sa'a i sukan ni tatnuni Moisés ma, masu kuu ka'an Su'si ma ja in ñayii sa'a ja va'a ja ndaa kúu i. Vaa ñayii kándija Jesucristo ma‑ni kúu ñayii sa'a ja va'a ja ndaa ká'an ya. Te yo'o chi ni ka kandija o Jesucristo ma, sukan‑va'a ka'an maa Su'si ma ja ñayii ka sa'a ja va'a ja ndaa ka kuu o ja ka kandija o Cristo ma, te masu ja kuechi ja ni ka sa'a o sukan ni tatnuni Moisés ma kúu, chi ña'a. Vaa masu ni‑in ñayii ma, ja kuechi ja ni sa'a i sukan ni tatnuni Moisés ma, te ka'an Su'si ma ja ko kuu i in ñayii sa'a ja va'a ja ndaa”, kúu sa jiña'a sa Pedro ma.

Santiago 4:10

Te jin ndakunitnuni ni nuu Su'si ma ja masu in ja va'a ni yo kuu ja ni ka yo sa'a, ni ka yo kuu ni ma, te maa ya sa'a ja jin konukuiñi va'a ni nuu ya, te jin koo jayiñu'u ni.

Santiago 4:6

Te chukan kúu ja Su'si ma, chíndee xeen ña'a ya, vaa ká'an tutu ndee tnu'u ya a: “Maa Su'si ma, masu kua'a ya tnu'u nawa jin sa'a ña'a ñayii ka jani ini ja maa i ka kuu‑ka ma. Kovaa chíndee xeen‑ka ya ñayii ka ndakunitnuni i ja ja maa ya ma, te ka iyo i ma.”