Lucas 15:17 - New Testament Psalms and Proverbs in Mixtec Magdalena Peñasco

¹⁷ Sani te ni ndiku'ni ini i, te jani ini i: “¡Kua'a ñayii ka satniñu ve'e yuva o ma, te iyo kua'a ja ka jaa i, te yo'o ya'a, kûu o ja kókon yíchi o a!

Lucas 15:17 ပူးပေါင်းရင်းမြစ်များ

Salmos 119:59

Ni ndakani, ni ndaka'vi ini sa, te ni ndasa'a sa kuenda naxe iyo sa nuu ni ma, te ni nukun‑nee sa ichi va'a ni a, te ni ndakandija sa ndaka tnu'u ká'an tnu'u káchi ni nuu sa a.

Salmos 73:20

Kivi kenda ja ndokuiñi ni ma, vi Su'si chi sukan‑ni kúu in ja jani o ora kixi o ma ja nú ni ndoto o ma sani te ni ndunaa o ma, sukan‑ni jin ko kuu ñayii yukan nuu ni. Vaa visi ka jani ini i ja maa i ka kuu‑ka kovaa maa ni chi su'va saxiko ni i.

Lucas 15:16

Te kúni i ja kaa i visi tna'a ja ka jaa chikini ma te ndutu chii i, kovaa ñatuu na in ni yo wa'a ja kaa i.

Lucas 16:23

Tee xiku ma, ndó'o néni de iyo de nuu ka iyo ñayii ñatuu ni ka kandija Su'si ma te ni ka ji'i i ma. Te ni ndonenuu de, te ni jini de in nuu vivii onde jika xeen‑ka nuu iyo Abraham ma, ñundee de Lázaro ma.

Lucas 8:35

Te ñayii ma, ni ka ke koo i ka nde'ya i sukan ni kuu ma. Te ni ka kenda koo i nuu iyo Jesús ma, te ni ka ndani'i i tee ni ka yo yinee ña'a tachi ma ja núkoo de nuu ja'a Jesús ma. Ne'nu de sa'ma de ma, te jâ ni ndukaji ini de. Te ja ni ka jini i sukan ni kuu ma, te ni ka yu'u i.

Hechos 12:11

Sani te Pedro ma, ni ndoto vava'a de, te ka'án de: “Vitna chi jini o ja ja ndaa kúu ja maa Su'si ma, ni tetniñu ya ángel ya ma, sukan‑va'a skaku ña'a i nuu nda'a Herodes ma, ji'in nuu ñayii judío ma ja ka kuni i ja jin xndo'o jin xneni ña'a i ma.”

Hechos 2:37

Te tee ni ka ndututu ma, nuu ni ka jiniso'o de ja ká'an Pedro ma chi ni ka kuxii xeen ini de, te ni ka jikan‑tnu'u de Pedro ma, ji'in nuu ndaka‑ka tee ni tetniñu ya ma: ―‍Ñani, ¿nawa jin sa'a, nawa jin kuu sa, sukan‑va'a ndasakanu ini ña'a Su'si ma? ―‍ka kuu de ka jiña'a de.

Efesios 5:14

Chukan kúu ja ká'an tnu'u Su'si a: Ndoto ni, ndijin ja kixi ni, te ndakoo ndijin ne'un ñayii ni ka ji'i ma, te Cristo ma, sa'a ya ja ndundijin nuu ni a.