Lucas 13:27 - New Testament Psalms and Proverbs in Mixtec Magdalena Peñasco

²⁷ Kovaa ndakone'e ya: “Masu jini sa ndenu ve koo ni. ¡Kuán koo ni kuán koto ni nde ichi jin koo ni! ¡Ñayii ka sa'a ja u'vi ma ka kuu ni!”

Lucas 13:27 ပူးပေါင်းရင်းမြစ်များ

Salmos 1:6

Te Iya Tátnuni ma chi jito va'a ya ñayii ka sa'a ja va'a ja ndaa ma ndenu kuan koo ve koo i ka kuu i ma, kovaa ñayii kuan koo ichi u'vi ma chi jin skenaa i maa i.

Salmos 101:8

Te xtnee ne'e ma xnaa sa ndaka ñayii ka sa'a ja u'vi ma ja ka iyo i ni‑ka'nu ñuu ñayivi a, sukan‑va'a jín naa ndaka i ne'un ñayii kúu ñuu Su'si Iya Tátnuni ma.

Salmos 119:115

Ndaka ni ja ka sa'a ni ja u'vi ma, jin kakayata ni nuu iyo sa ya, chi saña chi kúni sa ja sa'a sa sukan tátnuni Su'si ma.

Salmos 125:5

Kovaa ñayii ni ka kusiin ma te ka sa'a i ja u'vi ma, chi maa Iya Tátnuni ma, jin nu chunee ya i nuu ka iyo ñayii ka sa'a ja u'vi ma. Kovaa ñayii ñuu Israel ma, na jin koo mani i.

Salmos 28:3

Máko ki'in ni jin xsia'a ña'a ni nuu jin xsia'a ni ndaka ñayii ka sa'a ja u'vi ma, ja ndimaa ja u'vi ma ka ñu'u ini i ja jin sa'a i ma. Te ndaka ñayii ya'a chi ka ka'an i ja ka iyo mani i ji'in tna'a i ma, kovaa masu inundija i ja ka ka'an i ma chi ndimaa ja u'vi ka ñu'u ini i.

Salmos 5:6

Te xnaa ni ndaka ñayii ka ka'an tnu'u ma, ji'in ndaka ñayii ka xnda'vi tna'a ma, ji'in ndaka ñayii ka ja'ni tna'a ma, te masu kuan‑ta'vi ni i nuu iyo ni a, vi Iya Tátnuni.

Salmos 6:8

Ndaka ni ja ka sa'a ni ja u'vi a, kuán jin ndiyo ni. Máko jin koo‑ka ni nuu iyo sa ya, vaa Iya Tátnuni ma chi ni jiniso'o ya ja nda'yu sa a.

Mateo 25:12

Kovaa ni ndakone'e de, te jiña'a de: “Ja ndaa ká'an ri ja masu jini ña'a ri”, kúu de jiña'a de.

Mateo 25:41

’Sani te kuña'a tna sa ñayii ni sa'a siin sa ka iyo ichi xiñi satni sa ma: “Kuán koo ni kuán jin ndiyo ni nuu iyo sa a. Kuán koo ni nuu ñu'u i'ni ndú'va ni‑kani ni‑jika ma, nuu iyo tu'va ja ki'in tachi ma ji'in ángel ka ndikin i ma chi ñayii ka sa'a ja u'vi ka kuu ni.

Lucas 13:25

Vaa nuna ndokuiñi iya xi‑ve'e ma, ja ndakasi ya ye'e ma, nde ni ja ni ka kendoo ichi ke'e ma, jin skajan jin skajan ni, te jin kuña'a ni: “Señor, ndakune ni ye'e a.” Kovaa ndakone'e ya: “Masu jini sa ndenu ve koo ni.”

1 Corintios 8:3

Kovaa nú nde in kútoo Su'si ma, te maa ya chi jini ya nde in kúu i.

Gálatas 4:9

Kovaa vitna ja ka jini o Su'si o a (o xi va'a‑ka ja na ka'an o ja maa ya jini ña'a), ¿te naku ka kuni ni ja jin ndakokuiñi ni nuu ja masu jiniñu'u, nuu ja masu kuatniñu o, tna'a ja ve koo ni ka sa'a ka kuu ni ma, te ka kuni ni ja jin ndakunukuechi tuku ni in‑ka jichi

2 Timoteo 2:19

Kovaa Su'si ma chi jâ ni jani vava'a ya nuu jin koxtnee o ma ja ka kandija o ya ma, vaa onde xi'na‑ka ma jâ jini ya na in jin ko kuu sa'ya ya ma, vaa kuenda tnu'u ja ka yitnuni o nkuu, vaa sa'a ni ka'an ya ma: “Iya Tátnuni ma chi na'a ya na in ka kuu sa'ya maa ya ma”, te vaa: “Ndaka yo'o ja ka ndakune'e o Cristo ma na jin xndoo o ndaka ja u'vi ma, te máko jin ko sa'a‑ka o.”