Lucas 12:20 - New Testament Psalms and Proverbs in Mixtec Magdalena Peñasco

²⁰ Kovaa Su'si ma, jiña'a ya: “Ñatuu jani va'a ini ni ja jani ini ni sukan. Vaa jakuaa vitna, te kûu ni, te ja ni tava'a ni a, ¿na in xi‑kuenda ko kuu?”

Lucas 12:20 ပူးပေါင်းရင်းမြစ်များ

Salmos 39:6

Vaa sukan kúu kuanda'vi ma‑ni, sukan‑ni kúu ñayii ma. Te chukan kúu ja másu nde jiniñu'u ja xtutu kua'a xeen i xu'un ja koneva'a i ma, vaa masu nde jini i na in kendoo ji'in ja ni xtutu i ma.

Salmos 49:10

Vaa onde ñayii inundichi ma chi jin kûu tna i, te inuu kuiti jin skenaa i maa i ji'in ñayii inuso'o ka ndaa ma te ñatuu ka jaku'ni kuiti ini i sukan kúni Su'si ma. Te ndaka ja ka neva'a i ma in‑ka ñayii ndunda'a.

Salmos 73:19

Te sanaa sanaa‑ni, te jin kûu i, te ndaka maa ja u'vi ka sa'a ka kuu i ma sa'a ja jin ndayu'u xen‑xeen i.

Salmos 78:30

Kovaa masu nde ni ka ndajinu ini i ja ka jaa i ja ni ka ndiyo ini i ma, vaa ka ñu'u‑ka kuñu ma yu'u i ma,

Proverbios 10:2

Nú nanimaa ja u'vi ma sa'a ñayii ma chi masu nawa chíndee ña'a i, kovaa nú nanimaa ja va'a ja ndaa ma na ko sa'a ñayii ma chi kaku i te ma skenaa i maa i.

Proverbios 11:4

Vaa kivi ndakan Su'si ma kuenda ma chi masu nawa chindee ña'a ja ni'i tna'a i ma ja kaku i, kovaa ñayii sa'a ja va'a ja ndaa ma chi maa ja sa'a ja kúu i ma sa'a ja kaku i te ma skenaa i maa i.

Proverbios 13:7

Ka iyo ñayii ka sa'a tnu'u ja xiku ka kuu i kovaa masu nawa ka neva'a kuiti i, te suni ka iyo tna ñayii ja ka sa'a i tnu'u ja ñayii ka kunda'vi ka kukee ka kuu i, visi ka ni'i ka tna'a i.

Proverbios 27:1

Máko kuvixi ni ja nde a jani ini ni ja sa'a ni yutnee ma, vaa ni masu jini ni naxe ko kuu yutnee ma,

Proverbios 28:8

Ñayii wanuu xu'un i ma te ndimaa ké'en ya'vi‑ka i sa'ya xu'un i ma chi ndaka ja ni'i i ma chi satu'va i ja nduu kuenda ñayii kúnda'vi ini ñayii nda'vi ma.

Lucas 11:40

¡Ni masu ka ndasa'a ni kuenda ja ka sa'a ni a! ¿Ñatuu ka jini ni ja iya ni sa'a yikikuñu ni a, ni sa'a tna ya ini anua ni a?

1 Tesalonicenses 5:3

Nú ñayii ma, ka ka'an i: “Ndaka iyo nañii”, sani te kenda yachi ja jin ndo'o jin neni ñayii ma. Sukan keja'a ja u'vi in ña'a ja kâku sa'ya ña ma, sukan jin ndo'o i, te ñatuu ndenu kuu jin chu'u i ja jin kaku‑ka i.

1 Timoteo 6:17

Te tatnuni ni nuu ñayii ka kuxiku tiempu ya'a ja máko jin kani ini i ja maa i ka kuu‑ka ma, ni a jin kukanu ini i nuu xu'un i ma. Vaa xu'un ma chi ní'i o, te sani te ndí'i tuku maa i. Su'va jín kukanu ini i nuu Su'si iya téku ma ja maa ya kúu iya táa ndaka tu'u nawa neva'a o ma, te su'va kua'a‑ka taa ya, sukan‑va'a jin kuatniñu va'a o sukan kúni ya ja jin sa'a o ma, te jin koo sii ini o.

1 Timoteo 6:7

Vaa masu nawa ka yinda'a o ni ka kenda koo o ñuu ñayivi ya'a, te ni masu nawa jin ndake'en o kivi jin xndoo o ñuu ñayivi ya'a.

Santiago 4:14

Te vitna ja ni masu ka jini ni nawa ko kuu yutnee ma. Vaa ¿nawa kúu yo'o? Ja ndaa ja sukan kúu in viko ñu'u ma ja ñuñu'ni‑ni nde'ya o i, sani te náa i, sukan‑ni kúu yo'o ja kúu o ñayii a.