Lucas 12:19 - New Testament Psalms and Proverbs in Mixtec Magdalena Peñasco

¹⁹ Sani te ka'an o: Neva'a o kua'a xeen ndatniñu ni tava'a o a, jâ kanda i kua'a xeen kuiya. Ndátatu o, káa o, kó'o o, kóo sii ini o”, kúu de ká'an de.

Lucas 12:19 ပူးပေါင်းရင်းမြစ်များ

Salmos 49:18

Vaa visi nani ka téku i ma, te ka jani ini i: “Ja vava'a kúu yo'o, vaa iyo jayiñu'u o ja kúndee o ní'i tna'a‑ka o ma”, ka jani ini i,

Salmos 62:10

Máko kukanu ini ni ja onde sa'a ndeva'a ni ñayii ma sana ni'i ni nawa kúni ni ma, ni a sakui'na ni sana kuxiku ni. Te nú ve kuxiku ni ma, máko kukanu ini ni xu'un ni ma.

Proverbios 10:2

Nú nanimaa ja u'vi ma sa'a ñayii ma chi masu nawa chíndee ña'a i, kovaa nú nanimaa ja va'a ja ndaa ma na ko sa'a ñayii ma chi kaku i te ma skenaa i maa i.

Proverbios 14:24

Jayiñu'u ñayii ndichi ma kúu ja jáku'ni ini i te sa'a i ma, kovaa ñayii so'o xeen kaa ma chi ja yoxtnuu kua'an yoxtnuu vee nuu i ma kúu ja masu ndí ini i ja sa'a i ja va'a ja ndaa ma.

Proverbios 18:11

Ñayii xiku ma chi kúkanu ini xeen i ja neva'a i ma, te jani ini i ja sukan kúu in ñuu nuu ndesi vava'a ni‑ka'nu yu'u ñuu ma ja ñatuu na in kuu kivi ma, sukan jani ini i ja kúu ja kúxiku i ma.

Proverbios 23:5

vaa kona'a ni ja ko ni'i ko tna'a o ma chi masu na nde jiniñu'u, vaa nunuu‑ni koneva'a o sani te kua'an maa i. Sukan kuu ya'a tioko ma ja kúu ndáva ndáva‑ni ti ndáa ti kua'an ti sani te ni masu kuni‑ka o ti ma, sukan‑ni kúu ja ko kuxiku o ma.

Proverbios 27:1

Máko kuvixi ni ja nde a jani ini ni ja sa'a ni yutnee ma, vaa ni masu jini ni naxe ko kuu yutnee ma,

Lucas 12:18

Te ka'án de: “Jâ jini o naxe sa'a o. Ndákana o ndaka yaka nuu ka ñu'u triu o a, te ndása'a o ja na'nu‑ka, sukan‑va'a tava'a o ndaka ja neva'a o a ji'in ja ni ni'i‑ka o a.

Lucas 16:19

’Iyo in tee xiku, te ni yo ne'nu de sa'ma vii sa'ma va'a, te ndaka kivi ni yo sa'a de viko, te ni yo sa'a ka'nu xeen de.

Lucas 21:34

’Jin ko koto va'a ni maa ni. Má jin kua'a ni tnu'u ja jin nduso'o jin ndundee ini ni ja kuechi ndaka ja u'vi iyo ñuu ñayivi a, tna'a ja ka ndajini ñayii ma, ji'in ja ka ndi ini ñayii ma ja jin ko ni'i jin ko tna'a i ñuu ñayivi a. Jin ko koto va'a ni maa ni, nasa yukan, te kenda yachi kivi yukan nuu ka iyo ni a.

1 Corintios 15:32

¿Te nava'a saña, te ni kanaa xeen sa ji'in kiti xeen ka iyo ñuu Éfeso ma, nú ñatuu na tnu'u kanu ini ja jin ndateku ñayii ni ka ji'i ma? Te nú sukan, te va'a‑ka: “Na jin kaa o te na jin ko'o o, vaa yutnee te jin kûu o”, sukan ka ka'an jaku ñayii ma.

Filipenses 3:19

Kovaa kenda kivi ja jin skenaa i maa i, vaa su'si i kúu ja ka ñu'u ini i ma, te jayiñu'u i ma kúu ja kan‑nuu ka ni'i i, vaa ndimaa ja iyo ñuu ñayivi a ka ñu'u ini i ma.

1 Timoteo 5:6

Kovaa ña'a ni ji'i yii ña ma te nú ndúku ña naxe ko kusii ini ña ñuu ñayivi ya chi visi téku ña, kovaa ja ni ji'i ña nuu Su'si ma, vaa masu jatanuu ña sukan kúni ya ja sa'a ña ma.

1 Timoteo 6:17

Te tatnuni ni nuu ñayii ka kuxiku tiempu ya'a ja máko jin kani ini i ja maa i ka kuu‑ka ma, ni a jin kukanu ini i nuu xu'un i ma. Vaa xu'un ma chi ní'i o, te sani te ndí'i tuku maa i. Su'va jín kukanu ini i nuu Su'si iya téku ma ja maa ya kúu iya táa ndaka tu'u nawa neva'a o ma, te su'va kua'a‑ka taa ya, sukan‑va'a jin kuatniñu va'a o sukan kúni ya ja jin sa'a o ma, te jin koo sii ini o.

2 Timoteo 3:4

Te jin ke'en‑su'va i ñayii ma, te jin kusaa ini i ja jin ko sa'a i ndaka sukan ka jatna ini maa i ma, ndaka tna'a ja masu nde jiniñu'u ma, te masu jin ko ndi ini i ja jin ndanduku i Su'si ma.

Santiago 5:5

Ni ka iyo sii ini ni nuu ñu'ú ya sukan ka kuni ni. Ni ka xneñu ni maa ni sukan in kiti ndetu ti kivi kûu ti ma, te jâ ni kenda kivi yukan.

1 Pedro 4:3

Jâ ni kuu‑ni. Máko jin ko sa'a‑ka o sukan ka jatna ini ñayii ñatuu ka kandija Su'si ma, ja jâ ni ka yaa maa i te kuan koo i. Te ka sa'a maa i ja ka kuni maa i ma, te ka ndajini i, te ka ndatna'a i te ka ska'an tna'a i ja jin sa'a i ja u'vi ma, te ka xtivi i maa i, te ka chiñu'u‑ka i ja masu Su'si ka kuu ma.

Apocalipsis 18:7

Sukan ni ndachiñu'u ña maa ña ma te ni iyo ña sukan kúu ini maa ña ma, te vitna, te ndando'o ndaneni ña, te konda'yu ña, vaa ni yo jani ini ña ma: “Yo'o chi núkoo va'a o sukan núkoo in reina, te masu in ña'a ni ji'i yii kúu o, te masu konda'yu o”, ni yo jani ini ña.