Lucas 10:33 - New Testament Psalms and Proverbs in Mixtec Magdalena Peñasco

³³ Kovaa in tee ñuu Samaria ma, kua'an de ichi yukan. Ja ni jini de tee kátuu ma, ni kunda'vi ini de tee ma.

Lucas 10:33 ပူးပေါင်းရင်းမြစ်များ

Proverbios 27:10

Máko ndunaa ro ñayii kétna'a ini ji'in ro ma ni ñayii kétna'a ini ji'in yuva ro ma, te nuna kenda tnundo'o ve'e ro ma te máko ki'in ro onde ve'e ku'va ro xi ve'e ñani ro ma ja ka iyo i onde jika‑ka ma, chi va'a‑ka ja ki'in ro ve'e ñayii iyo yatni ji'in ro ma, sukan‑va'a ñama‑ka jin chindee ña'a i.

Mateo 10:5

Te ndi‑uxi uu tee ya'a ni tetniñu Jesús ma, te ni tatnuni ya nuu de sukan jin sa'a de ma, te jiña'a ya: ―‍Máko jin koo ni nuu ka iyo ñayii masu ñayii ñuu Israel ya ka kuu i ma, ni a ñuu ñayii samaritano ma.

Mateo 18:33

¿Te masu ndijin tna, suni jiniñu'u ja kunda'vi ini ni tna'a ni tee tavi nuu ni ma nkuu, sukan ni kunda'vi ini ña'a sa ma?”, kúu de jiña'a de.

Lucas 10:32

Sani te ni ya'a tna in sa'ya tata Leví ma nuu kátuu tee yukan. Te nuu ni jini de ma, suni ni sa'a de tnu'u ja ñatuu ni jini de tee ni tnakue'e ma, te ni ya'a ndita tna de, kua'an de.

Lucas 10:34

Te ni jan tu'va de tee ma, te ni ndakate de nuu ni tnakue'e tee ma ji'in aceite ji'in ndute uva, te ni chutuu de in sa'ma nuu ni tnakue'e tee ma. Sani te ni skaa de tee ma siki kiti kua'an ji'in de ma, te ni jan xsia'a de tee ma in ve'e nuu ka ndatatu ñayii ma, te ni jito de tee ma.

Lucas 7:13

Ja ni jini Jesús ma, ni kunda'vi ini ya ña'a ma, te jiña'a ya: ―‍Má konda'yu ni ―‍kúu ya jiña'a ya.

Juan 4:9

Kovaa ñayii judío ma, masu ni ka yo jatniñu i ndatniñu ñayii ñuu Samaria ma. Te chukan kúu ja ña'a ma, ni ndakone'e ña: ―‍¿Naxe kúu ja ndijin, ja tee judío ma kúu ni, te jikan ni ndute nuu saña ja kúu sa ña'a ñuu Samaria a? ―‍kúu ña jiña'a ña.

Juan 8:48

Te tee judío ma, ka jiña'a de: ―‍Va'a‑ni ni ka ka'an sa ja in tee ñuu Samaria ma kúu ni te yinee ña'a tachi ma ―‍ka kuu de ka jiña'a de.