Lucas 1:13 - New Testament Psalms and Proverbs in Mixtec Magdalena Peñasco

¹³ Kovaa ángel ma, jiña'a i: ―‍Zacarías, má koyu'u ni, vaa Su'si ma chi ni jiniso'o ya ja jikan‑ta'vi ni a. Koo in sa'ya ni ji'in ñasi'i ni ma, te xnani ni i Juan.

Lucas 1:13 ပူးပေါင်းရင်းမြစ်များ

Salmos 113:9

Te ña'a ñatuu nama ni kúu koo sa'ya ña ma, te sa'a ya ja ndusii ini ña ja iyo ña ne'un sa'ya ña ma. ¡Jayiñu'u kóo nuu Iya Tátnuni ma! ¡Aleluya!

Salmos 118:21

Chukan kúu ja ya'a iyo sa, vi Su'si, te ndákuan‑ta'vi sa nuu ni, vaa ni jiniso'o ni ja ni ka'an sa ma, te ni chindee ña'a ni ja ni kaku sa nuu ja u'vi ma.

Mateo 1:21

Te kâku sa'ya i ma, te xnani ro ya Jesús, vaa ja maa ya te jin kaku ñayii ñuu ya ma te ma jin kondiso kuechi‑ka i ―‍kúu ángel ma jiña'a i.

Mateo 14:27

Kovaa sani te ni ka'an ya, te jiña'a ya: ―‍Jin koneva'a ni tnu'u ndee tnu'u ndatnu chi maa sa kúu, te má jin koyu'u ni ―‍kúu ya jiña'a ya.

Mateo 28:5

Sani te ángel ma, jiña'a i nuu ña'a ka iyo ma: ―‍Máko jin koyu'u ndijin, vaa jini sa ja ka ndanduku ni Jesús iya ni ka jata kaa i nuu krusi ma.

Marcos 16:6

Kovaa suchi yukan chi jiña'a i: ―‍Máko jin koyu'u ni chi jini sa ja ka ndanduku ni Jesús ni yo iyo ñuu Nazaret ma, iya ni ndakaa nuu krusi ma. Te jâ ni ndateku ya. Ñatuu na iya iyo ya'a. Jin konde'ya ni nuu ni yinee ya a, ja ñatuu ya.

Lucas 1:14

Te koo sii ini xeen ni, te kua'a ñayii, jin koo sii ini i ja kâku i ma,

Lucas 1:30

Te ángel ma, jiña'a i: ―‍María, má koyu'u ro, vaa ro'o sa'a ja kúsii ini Su'si ma.

Lucas 2:21

Nuu una kii ma, te ni ka chitnuni i lulu ma, te ni ka xnani i ya Jesús, sukan ni jiña'a ángel ma onde xi'na‑ka sana jakun‑nee ya chii si'i ya ma.

Hechos 10:31

te ká'an de: “Cornelio, Su'si ma, ni jiniso'o ya ja jikan‑ta'vi ni ma, te ni ndaka'án ya sukan chíndee ni ñayii ma.