Juan 9:38 - New Testament Psalms and Proverbs in Mixtec Magdalena Peñasco

³⁸ Sani te tee yukan, jiña'a de: ―‍Kándija ña'a sa, Señor ―‍kúu de jiña'a de. Te ni jinkoo jiti de nuu Jesús ma.

Juan 9:38 ပူးပေါင်းရင်းမြစ်များ

Salmos 2:12

Vivii jin ndachiñu'u ni Sa'ya ya ma, nasa yukan te ndakiti ini ya, nú ma sa'a o sukan kúni ya ma, te xnaa ña'a ya ichi kuan koo ni ma, vaa masu yii‑ni kúu ja ndakiti ini ya ma. Kovaa ndaka ñayii ka kukanu ini ja suu ya ko koto va'a ña'a ma chi sii ini xeen ka iyo i.

Salmos 45:11

Vaa kúu ini rey ma nuu ro, vaa vivii kaa ro. Te kandija ja ká'an de ma, vaa jito'o ro kúu de, te kunukuechi nuu de.

Mateo 14:33

Te tee ka iyo ini barcu ma, ni ka ndachiñu'u de ya, te ka jiña'a de: ―‍Ja ndaa kúu ja Sa'ya Su'si ma kúu ni ―‍ka kuu de ka jiña'a de.

Mateo 28:17

Te nuu ni ka jini de ya ma, ni ka ndachiñu'u de ya, kovaa sava de ma, ka jani uu ka jani uni ini de ma.

Mateo 28:9

te ni jan tna'a ña'a Jesús ma, te jiña'a ya: ―‍¡Vava'a ka kuu ni! ―‍kúu ya jiña'a ya. Te maa ña, ni jan koo ña ni ka jan tu'va ña ya, te ni ka kanuni'ni ña ja'a ya ma, te ni ka chiñu'u ña ya.

Mateo 8:2

Te ni kenda in tee ndó'o lepra, te ni jinkoo jiti de nuu ya, te sa'a jikan‑ta'vi de nuu ya: ―‍Iya Tátnuni, nú kúni maa ni, te ndasavii ña'a ni kue'e ndó'o sa ya ―‍kúu de jiña'a de.

Lucas 24:52

Te ni jinu ja ni ka ndachiñu'u de ya ma, te ni ka ndakokuiñi sii ini xeen de ñuu Jerusalén ma.

Juan 20:28

Sani te Tomás ma, ni ndakone'e de, te jiña'a de: ―‍¡Iya tátnuni nuu maa sa kúu ni! ¡Su'si maa sa kúu ni! ―‍kúu de jiña'a de.

Juan 9:39

Sani te jiña'a Jesús ma: ―‍Saña chi vee sa ñuu ñayivi ya ja sa'a ndaa sa, sukan‑va'a ñayii inukuaa ma, te kuu jin ndakonde'ya i, te ñayii ka nde'ya ma, jin ndukuaa i ―‍kúu ya jiña'a ya.