Juan 9:31 - New Testament Psalms and Proverbs in Mixtec Magdalena Peñasco

³¹ Vaa ka jini o ja Su'si ma, masu jiniso'o ya ja ka ka'an ñayii ka ndiso kuechi ma. Yika‑ni ja jiniso'o ya ñayii ka chiñu'u ya ma ji'in ñayii ka sa'a sukan játna ini ya ma.

Juan 9:31 ပူးပေါင်းရင်းမြစ်များ

Salmos 106:23

Te Su'si ma chi ni jani ini ya ja xnaa ya ñayii ñuu ya ma nkuu, kovaa Moisés ma tee ni kaji maa ya ma, ni ka'an nda'vi, ni ka'an kee de nuu ya, sukan‑va'a ndiko ini ya te máko xnaa ya ñayii ma.

Salmos 143:10

Kaxtnu'u ni nuu sa sukan játna ini ni ja ko sa'a sa nuu ni a, vaa maa ni kúu Su'si sa, te maa Xtumani maa ni a na skaka ña'a ichi ndaa ichi va'a ma.

Salmos 145:19

Te ndaka ñayii ka kandija ja ká'an ya ma chi ndákone'e ya ja ka jikan‑ta'vi i ma, te sa'a ya ja jin kaku i nuu ja u'vi ma, vaa ka ndi ini i ja masu jin sa'a i ja u'vi ma, vaa ka na'a i ja iya ndákan kuenda kúu ya.

Salmos 18:41

Ni ka kayu'u i ka kana i na in chindee ña'a, kovaa ñatuu na in ni chindee ña'a. Ni ka ndakune'e i Iya Tátnuni ma, kovaa masu nde ni yo niniso'o ya ja ka ka'an i ma.

Salmos 40:8

Te játna ini sa ja sa'a sa sukan kúni maa ni, vi Su'si maa sa, vaa ini anua sa a ñunee tnu'u ni kaxtnu'u ni ma.

Salmos 99:6

Moisés ma, ji'in Aarón ma, ji'in ndaka‑ka sutu ni ka yo jinukuechi nuu Su'si ma, ji'in Samuel ma, ji'in ndaka‑ka tee ni ka yo ndakune'e Su'si ma, ni ka yo jikan‑ta'vi de nuu ya, te maa ya ni yo ndakone'e nawa ka jikan‑ta'vi de ma.

Proverbios 15:29

Su'si ma chi iyo jika ya nuu iyo ñayii sa'a ja u'vi ma, kovaa niniso'o ya te jatanuu ya ja jikan‑ta'vi ñayii sa'a ja va'a ja ndaa ma.

Proverbios 21:13

Ñayii ñatuu nde ndí ini ja chindee i ñayii nda'vi ma ora jikan‑ta'vi ñayii yukan ja na chindee ña'a i ma chi kenda ja jiniñu'u tna i na in chindee ña'a, te masu na in kenda ja chindee ña'a i.

Proverbios 28:9

Ñayii ñatuu niniso'o‑ka tnu'u Su'si ma te ñatuu kúni‑ka i ja sa'a i sukan ká'an ma chi Su'si ma chi suni masu koniniso'o kuiti ya ja jikan‑ta'vi i ma.

Juan 11:22

Kovaa jini sa ja vitna chi taa Su'si ma nawa na kakan ni ma ―‍kúu ña jiña'a ña.

Juan 15:16

Ndijin, masu ni ka kaji ña'a ni ja jin kondikin ña'a ni, su'va maa sa ni kaji ña'a. Te ni sacargu ña'a sa ja jin koo ni te jin kaxtnu'u ni tnu'u tátnuni sa a, te jin ko sa'a ni ja vii ja va'a, sukan‑va'a ja vii ja va'a yukan koo ni‑kani ni‑jika. Chukan, te Yuva sa ma chi taa ya ndaka ja jin ko kakan ni ja maa sa ma.

Juan 4:34

Kovaa Jesús ma, jiña'a ya: ―‍Ndeyu sa kúu ja sa'a sa sukan kúni iya ni tetniñu ña'a ma, te xsinu sa tniñu ni tatnuni ya ja sa'a sa a.

Juan 7:17

Nú na in kúni ja sa'a i sukan kúni Su'si ma, kuu ndakuni i tnu'u káxtnu'u sa a, nú tnu'u vee nuu Su'si ma kúu, xi ká'an maa sa sukan jani ini maa sa.

Juan 9:30

Te ni ndakone'e tee ma: ―‍¡Jincho'o! Ñatuu ka jini ndijin ndenu vee de. Kovaa saña chi ni ndasava'a de nuu sa a.

Juan 9:32

Ñatuu nama ka jiniso'o o ja ndasava'a in ñayii nuu in‑nka ñayii ni kâku kuaa ma.

Hebreos 10:7

Chukan kúu ja ni ka'an sa: “Ya'a vee sa nuu ni, Su'si, sukan‑va'a sa'a sa sukan játna ini ni ma, vaa sukan ndee nuu tutu ká'an tnu'u maa ni ma ja kuu sa.”