Juan 6:12 - New Testament Psalms and Proverbs in Mixtec Magdalena Peñasco

¹² Nuu jâ ni ka ndutu chii ñayii ma, Jesús ma, jiña'a ya nuu tee ka ndikin ya ma: ―‍Jin ndaxtutu ni ndaka ta'vi kuechi ni ka ndoo ma, sukan‑va'a masu jin xtivi o ―‍kúu ya jiña'a ya.

Juan 6:12 ပူးပေါင်းရင်းမြစ်များ

Proverbios 18:9

Ñayii kuxi te ñatuu satniñu va'a i ma chi inuu kuiti kúu i ji'in ñayii ndákana in ja iyo va'a ma.

Lucas 1:53

Ñayii ni ka yo kokon, ni ka yo yichi i ma, ni ka ndani'i, ni ka ndatna'a i ja jin ko kaa jin ko ko'o i ma, te xiku ma, ni ndasanda'vi ya i.

Lucas 15:13

Sani te jaku‑ni kii ma, sa'ya de suchi lule‑ka ma, ni xiko i ja ni wa'a yuva i ma, te ni ni'i i xu'un ma, te kua'an jika i onde in‑ka ñuu. Te ndeva'a ndekuu‑ni ni yo jatniñu i, te ni xndi'i i ndaka ja ni ni'i i ma.

Lucas 16:1

Jesús ma, ni ndakani tna ya sa'a nuu tee ka ndikin ya ma: ―‍Iyo in tee xiku, te neva'a de in tee jito ndaka ja neva'a de ma. Te ni jan koo i ni jan kuña'a i nuu tee kúu jito'o ma ja yikuu tee jinukuechi ma sa'a ndeva'a de ja ni kucargu de ma.

Lucas 9:17

Ndaka ñayii ma, ni ka jaa i onde ni ka ndutu chii i ma, te ni ka ndaxtutu de ndaka‑ka ja ni kendoo ma, te ni ka ndachitu uxi uu‑ka chika.

Juan 2:2

Te ni ka kana tna ñayii ma Jesús ma ji'in tee ka ndikin ya ma. Ni jan koo de ji'in ya viko tnánda'a ma.