Juan 19:39 - New Testament Psalms and Proverbs in Mixtec Magdalena Peñasco

³⁹ Suni Nicodemo ma, tee ni ja'an in jakuaa ni ndatnu'u de ji'in Jesús ma, yinda'a de kua'a xeen ja jáxiko asi sakanuu ji'in mirra ji'in áloe.

Juan 19:39 ပူးပေါင်းရင်းမြစ်များ

Salmos 45:8

Te ndaka ndute ka jaxiko asi ma jáxiko sa'ma ni a. Te onde ve'e ka'nu ja ni kuva'a ji'in yiki nani marfil ma, onde yukan ka iyo i, te ka tee i yaa ja ka ndachiñu'u ña'a i maa ni, vi rey.

Proverbios 7:17

te jâ ni ndachi'i ri ve'e ri ma ndute jáxiko asi ja ni kuva'a ji'in mirra ji'in áloe ji'in canela ma.

Mateo 12:20

Masu ka'nu ya ndoo yi kue'e ja sani te tna'nu tnu ma, ni masu nda'va ya ñu'u vivi'i‑nka‑ni ndu'va i ja sani te nda'va i ma, nú masu ja onde ko kuu sukan ká'an tnu'u ndaa tnu'u ndija ya ma, te kundee ya nuu ja u'vi ma.

Mateo 19:30

Te ñayii ka ndanuu‑ka ma te ka jani ini i ja xinañu'u‑ka ka kuu i vitna ma, chi nuu Su'si ma chi sandi'i‑nka jin ko kuu i, te ñayii ka jani ini ja masu ñayii ka ndanuu ka kuu i, te sandi'i‑nka ka kuu i vitna ma chi suu i jin ko kuu ñayii xinañu'u‑ka nuu Su'si ma ―‍kúu ya jiña'a ya.

Mateo 2:11

Te ni ka kivi koo de ini ve'e ma, te ni ka jini de lulu ma ji'in si'i ya María ma, te ni ka jinkoo jiti de, te ni ka ndachiñu'u de Jesús ma, vaa ka jini de ja iya kanuu kúu ya. Sani te ni ka ndakune de ja ka yinda'a de kuan koo de ma, te ni ka skuta'vi de lulu ma mirra ji'in ja jáxiko asi ji'in oro.

Marcos 16:1

Ni ya'a kivi ni tatnuni Su'si ma ja ma jin satniñu ñayii ma. Te ña'a kúu María Magdalena ma, ji'in Salomé ma, ji'in María si'i Santiago ma, ni ka jaan ña in ndute jáxiko asi, ja jin koo ña jin chi'i ña ñunde'yu Jesús ma.

Juan 12:3

María ma, yinda'a ña in botella te ya'a‑ka in marrazu ndute jáxiko asi nani‑maa ita nardo ja ndee ya'vi xeen ma, te ni chi'i ña ja'a Jesús ma. Sani te ni ndaxsichi ña ji'in ixi ña ma. Te ni‑ka'nu ve'e ma ni chitu xiko asi ma.

Juan 12:7

Jesús ma, jiña'a ya: ―‍Máko ka'nu ndee ni, vaa ni tava'a ña ndute jáxiko asi ya, ja chi'i ña'a ña kivi kuyu'u sa ma nkuu.