Juan 12:29 - New Testament Psalms and Proverbs in Mixtec Magdalena Peñasco

²⁹ Ñayii ka iyo yukan, ni ka jiniso'o i, te ka ka'an i: ―‍Ni kana savi ―‍ka kuu i ka ka'an i. Kovaa jaku‑ka i ka ka'an: ―‍In ángel ni ka'an nuu de ―‍ka kuu i ka ka'an i.

Juan 12:29 ပူးပေါင်းရင်းမြစ်များ

Hechos 9:7

Te tee kuan koo ji'in Saulo ma, ni ka jinkuiñi de, te ni ka sa'vi‑nka ini de. Ka niniso'o de ja ká'an ya ma, kovaa masu na in ni ka jini de.

Apocalipsis 11:19

Te veñu'u Su'si ma ni ndanune onde andivi ma, te ini veñu'u ma ndijin iyo arca ma ja káxtnu'u sukan ni skuiso ya ma. Te ni keja'a ni jandute, te ka kuu yu'u, te kúu sukan kána savi ma, te ni tnaa xen‑xeen, te ni kuun ñiñi na'nu na'nu.

Apocalipsis 14:2

Te ni jiniso'o sa onde andivi ma ja kúu yu'u sukan kúu yu'u ndute kua'a xeen jika ma, te sukan kúu ora kána nini'i savi ma sukan kúu yu'u. Te ja ni jiniso'o sa ma kúu yu'u sukan ka kuu yu'u arpa ma ora ka tee ñayii ma tnu.

Apocalipsis 6:1

Te ni jini sa, nuu ni ndakune iya kúu sukan kúu ndikachi jaa ma in sellu xinañu'u ma, te ni jiniso'o sa ja ká'an in kiti téku ma: ―‍¡Ne'e ni, te konde'ya ni! Te sukan kúu ora kána savi ma, sukan nini'i kúu yu'u ti.

Apocalipsis 8:5

Te ángel ma, ni ke'en i nuu ni ñu'u ja jáxiko asi ma, te ni xchitu i ñu'u ndú'va yoso siki altar ma, te ni skana i vee nuu ñu'ú a, te ni kuu yu'u sukan kána savi ma, te ni jandute, te ni tnaa xen‑xeen.