Juan 1:3 - New Testament Psalms and Proverbs in Mixtec Magdalena Peñasco

³ Te ja maa Tnu'u Su'si ma, te ni ka kuva'a ndaka ja ka iyo a, te ñatuu nawa ni kuva'a nú masu ja maa Tnu'u Su'si ma.

Juan 1:3 ပူးပေါင်းရင်းမြစ်များ

Salmos 102:25

Vaa onde xinañu'u ma, te nda'a maa ni, ni sa'a ni ñu'ú a, te nda'a maa ni, ni sa'a ni andivi ma, te nda'a maa ni a, ni sa'a ni ndaka ma.

Salmos 33:6

Ja ni sa'a Iya Tátnuni ma kúu ja ni ka'an ya, te ni ka kuva'a andivi a. Te ja ni tutachi ya ji'in yu'u ya ma, te ni ka kuva'a ndaka tiuxini ka iyo andivi a.

Proverbios 8:30

Iyo sa ji'in Su'si ma nuu yikuu ya súnkani va'a ya ndaka ja sa'a ya ndi‑kivi ndi‑kivi ma, te chukan kúu ja kúu sii ini xen‑xeen sa ja iyo sa ji'in ya.

Juan 1:10

Te maa Tnu'u Su'si ma ni kii ñuu ñayivi a, ñuu ñayivi ni kuva'a ja maa ya ma, kovaa ñayii ñuu ñayivi a, masu ni ka ndakuni i ya.

Juan 1:2

Te Tnu'u Su'si ma iyo ji'in Su'si ma onde xinañu'u ma.

1 Corintios 8:6

Kovaa yo'o chi ka jini o ja in‑ni Su'si iyo, iya kúu Yuva o ma, te maa ya ni sa'a ndaka ja iyo ñuu ñayivi a, te yo'o chi ka iyo o ja jin kunukuechi o nuu ya. Te maa Jesucristo ma kúu Iya Tátnuni, te ja maa ya te ka iyo ndaka ja ka iyo a, te ja maa ya te ka iyo tna o a.

Efesios 3:9

Te káxtnu'u ndaa sa naxe ni jani ni ka'vi ini Su'si ma sukan sa'a sukan kúu ya ni‑kani ni‑jika ma. Te maa in‑ni iya ni sa'a ndaka ma ni yo na'a sukan ko kuu ma.

Hebreos 11:3

Vaa ka kukanu ini o Su'si ma ja maa ya ni sa'a ñuu ñayivi a, ji'in ndaka ja ka iyo a. Te nuu ni ka kuva'a ndaka a chi masu nawa ni jatniñu ya. Ja ni sa'a ya ma kúu ja ni ka'an ya‑ni, sani te ni ka kuva'a ndaka ja ka nde'ya o a.

1 Juan 5:1

Ndaka ñayii ka kandija ja Jesús ma kúu Cristo ma, sa'ya Su'si ma ka kuu i. Te ñayii ka kutoo Yuva o Su'si ma, suni ka kutoo tna i ñayii ka kuu sa'ya Yuva o Su'si ma.

Apocalipsis 3:14

Te ká'an ya: ―‍Tee ni nuu ángel jito ñayii ka kandija Su'si ma ja ka iyo i ñuu Laodicea ma: “Iya xsinu ndaka ma, Su'si ndija ma, iya jini ndaka ma, iya iyo onde xinañu'u ma nuu ni keja'a ya ni sa'a ya ñuu ñayivi ya, ká'an sa'a:

Apocalipsis 4:11

Iya Tátnuni, maa in‑ni ni iyo ja ni'i ni ja vii ja va'a ji'in jayiñu'u jin ndataa sa ma, vaa ndákunitnuni sa ja maa in‑ni ni iyo tnu'u ndee tnu'u ndatnu, vaa maa in‑ni ni ni sa'a ndaka ja iyo a, te ja kúu ini maa ni, te ni ka kuva'a i, te ka iyo i, ka kuu de ka jiña'a de.