Hechos 9:11 - New Testament Psalms and Proverbs in Mixtec Magdalena Peñasco

¹¹ Te jiña'a Iya Tátnuni ma: ―‍Ndokuiñi ni, te kuá'an ni ichi nani “Ichi Ndaa” ma, te ve'e tee nani Judas ma ndanduku ni in tee nani Saulo tee ñuu Tarso ma. Vaa yikuu de jikan‑ta'vi de,

Hechos 9:11 ပူးပေါင်းရင်းမြစ်များ

Salmos 50:15

Te jin ndakune'e ña'a ni kivi kénda tnundo'o tnuneni nuu ni ma te ñatuu ka ni'i ini‑ka ni nawa jin sa'a ni ma, te saña chi chindee ña'a sa ja vivii jin yanduu jin yandoso ni nuu tnundo'o yukan ma, sani te maa ni chi jin ndachiñu'u ña'a ni”, kúu ya ká'an ya.

Proverbios 15:8

Ñayii ka sa'a ja u'vi ma chi saxiko Su'si ma ja ka ndakua'a i nuu ya ma, kovaa ñayii ka sa'a ja va'a ja ndaa ma chi játna ini Su'si ma ja ka jikan‑ta'vi i nuu ya ma.

Juan 4:10

Jesús ma, ni ndakone'e ya: ―‍Nute kuni ni nawa kúu ja taa Su'si ma, te nute kuni ni na in kúu ja jikan ndute nuu ni a chi maa ni kakan ndute ko'o ni, te taa ya ndute sa'a ja koteku ñayii ma ―‍kúu ya jiña'a ya.

Hechos 11:13

te ni ndakani de sukan ni jini de in ángel ve'e de ma, ja jiña'a i: “Tetniñu ni ñayii ki'in ñuu Jope ma, na jin kueka i tee nani Simón ma ja ni nukonani de Pedro ma.

Hechos 11:25

Ni jinu, te kua'an Bernabé ma ñuu Tarso ma kuan nu nduku de Saulo ma.

Hechos 2:21

Kovaa ndaka ñayii ka kandija te ka ndakune'e i Iya Tátnuni ma, jin kaku i te jin ndani'i ta'vi i kivi yukan. Sa'a ni ndaka'an tee kúu Joel ma.

Hechos 21:39

Te jiña'a Pablo ma: ―‍Ña'a chi saña kúu Pablo tee judío ni kâku ñuu Tarso ma in ñuu kanuu xeen iyo ñuu Cilicia ma. Kachi ni, te ka'an sa nuu ñayii a ―‍kúu de jiña'a de.

Hechos 22:3

―‍Saña chi ja ndaa kúu ja ñayii judío kúu sa, te ni kâku sa ñuu Tarso ma ja iyo i ñuu Cilicia ma, te ni ja'nu sa ñuu ya'a, te ni kutu'va sa ja ni skua'a ña'a tee nani Gamaliel ma, te ni yo sa'a ndi'i kuiti sa sukan ni ka yo sa'a tna'a o tee jana'a‑ka ma, te ni‑yu'u ni‑ini sa ni yo sa'a ndi'i, ni yo sa'a tu'u sa sukan ká'an tnu'u Su'si ma ja ni yo kaxtnu'u Moisés ma, sukan ka sa'a maa ni vitna a.

Hechos 8:22

Chukan kúu ja va'a‑ka ndakani ndaka'vi ini ni ja u'vi sa'a ni a, te ndakan‑ta'vi ni nuu Iya Tátnuni ma saa kuu‑ni‑nka ndasakanu ini ña'a ya ja u'vi ni jani ini ni a.

Hechos 8:26

In ángel Iya Tátnuni ma jiña'a nuu Felipe ma: ―‍Kee ni ñuu Jerusalén a, te kuá'an ni ichi nuu vee ma, ichi nuu ñatuu nawa iyo kuiti ma, ichi ñuu Gaza ma ―‍kúu i jiña'a i.

Hechos 9:30

Nuu ni ka jini ñayii ni ka kandija tnu'u vii tnu'u va'a Jesucristo ma ja sukan ka jani ini i ma, te kuan koo i ji'in Saulo ma onde ñuu Cesarea ma, te ni ka tetniñu i de kua'an de ñuu Tarso ma.