Hechos 8:27 - New Testament Psalms and Proverbs in Mixtec Magdalena Peñasco

²⁷ Felipe ma, ni ke'en de ichi, te kua'an de, te ni ka ndatna'a de ji'in in tee ñuu Etiopía ma. In tee kanuu jinukuechi kúu de. Te ni kucargu de ndaka ja neva'a ña'a kúu reina ñuu Etiopía ma. Tee ya'a, ni ja'an de ñuu Jerusalén ma ni jan chiñu'u de Su'si ma.

Hechos 8:27 ပူးပေါင်းရင်းမြစ်များ

Salmos 68:29

Kuechi ja iyo veñu'u ii ni ma ñuu Jerusalén ma, te ki koo rey ma, jin ndataa de ja vii ja va'a nuu ni, vi Su'si.

Salmos 68:31

Sani te ki koo tee ka ndanuu xeen ka iyo ñuu Egipto ma, ji'in ñuu Etiopía ma, ja jin ndanduku de Su'si ma.

Salmos 87:4

Te ndaka ñayii ka iyo ñuu Rahab ma, ji'in ñuu Babilonia ma, ji'in ñuu Filistea ma, ji'in ñuu Tiro ma, ji'in ñuu Etiopía ma chi ka ndakuni i ñayii ni ka kâku ñuu Sion ma.

Mateo 12:42

Te suni sukan sa'a tna ña'a ni yo kuu reina ni yo tatnuni in ñuu jika ichi nuu vee ma, vaa kivi yukan chi ndokuiñi ña nuu ñayii tiempu ya'a, te ndaxtekuechi ña i, vaa ña'a ya'a chi jika xen‑xeen onde nuu ni kee ña ni kii ña ma, sukan‑va'a koniniso'o ña tnu'u ndichi ni yo ka'an Salomón ma te sa'a ña ja va'a ma. Kovaa vitna chi ya'a iyo iya kanuu‑ka sana tee ni yo kuu Salomón ma, te masu na in ndí ini ja kandija i ja ká'an ya a ―‍kúu ya jiña'a ya.

Juan 12:20

Ne'un ñayii kuan koo ñuu Jerusalén ma ja jin ndachiñu'u i Su'si ma ne'un kivi viko ma, ka iyo jaku ñayii griego ma.

Hechos 8:28

Te nuu ni ndakokuiñi de ma, núkoo de nuu carreta de ma, te yikuu de ká'vi de libru Isaías ma tee ni yo ndakaxtnu'u tnu'u ni yo wa'a Su'si ma.

Hebreos 11:8

Vaa ja ni kukanu ini Abraham ma Su'si ma kúu ja ni kandija de, nuu ni kana ña'a ya ma te jiña'a ya ja na kee de te ki'in de ma, vaa iyo nuu ko kuu ta'vi de ma. Te visi ñatuu jini de ndenu ki'in de ma, kovaa kua'an de.