Hechos 7:49 - New Testament Psalms and Proverbs in Mixtec Magdalena Peñasco

⁴⁹ Onde andivi ma kúu nuu núkoo sa ma, te onde nuu ñu'ú ya ka iyo ja'a sa ya. ¿Na ve'e sa kúu ja jin sa'a ni a?, ká'an Iya Tátnuni ma. ¿Ndenu kúu nuu ndatatu sa ma?

Hechos 7:49 ပူးပေါင်းရင်းမြစ်များ

Salmos 11:4

Iya Tátnuni ma, iyo ya ini veñu'u ii ya ma. Onde andivi ma iyo nuu núkoo Iya Tátnuni ma, te nde'ya ya ji'in nduchinuu ya ma sukan ka sa'a ka kuu ñayii ma.

Mateo 23:22

Te nú na in na skuiso ja maa andivi ma, te suni skuiso tna i nuu núkoo Su'si ma, ji'in maa ya ja núkoo ya ma, te kuiti iyo tna i ja sa'a i ja ni ka'an i ma. Kovaa masu sukan ka kaxtnu'u ni ma.

Mateo 24:2

Te Jesús ma, ni ndakone'e ya: ―‍¿Ka nde'ya ni ni‑ka'nu veñu'u a? Kovaa ja ndaa ká'an sa nuu ni ja ni‑in‑ka yuu masu kendoo siki in‑ka yuu a, ja ndi'i kuiti i ndatnana ―‍kúu ya jiña'a ya.

Juan 4:21

Jesús ma, ni ndakone'e ya: ―‍Ndijin, kandija ni ja ká'an sa a, vaa sani te kenda kivi, te masu jiniñu'u‑ka ja jin koo ni yuku ya'a ni a ñuu Jerusalén ma ja jin chiñu'u ni Yuva o ma.

Apocalipsis 3:21

’Nú na in kundee ja sa'a i ja va'a ma, te kua'a ri tnu'u ja kunukoo i ji'in ri nuu tatnuni ri ma, sukan tna ni kundee ri ma, te ni jinkoo ri ji'in Yuva ri ma nuu núkoo ya ja tátnuni ya ma.