Hechos 7:42 - New Testament Psalms and Proverbs in Mixtec Magdalena Peñasco

⁴² Te chukan kúu ja ni xndoo ña'a Su'si ndija ma, te ni ka keja'a maa i ni ka chiñu'u i tiuxini ma ji'in ndaka ja ka iyo andivi ma, vaa sa'a ndee nuu tutu tee ni ka yo ndakaxtnu'u tnu'u ni yo wa'a Su'si ma: Ñayii israelita, masu ni ka ja'ni ni kiti nuu sa, ni masu ni ka ndataa ni ja kúu kuenda sa ma ndi‑uu xiko (40) kuiya ni ka iyo ni nuu ñatuu nawa iyo kuiti ma.

Hechos 7:42 ပူးပေါင်းရင်းမြစ်များ

Salmos 95:10

Te kuechi ja sukan ni ka sa'a ña'a de ma, te uu xiko kuiya ni ndakiti ini sa nuu ndaka ñayii yukan, te ni ka'an sa: Ndimaa ka ñu'u ya'a ka ñu'u yukan‑ni ini ñayii ya'a, te ni ñatuu ka jini i ichi ndaa káxtnu'u o ya.

Juan 6:45

Nuu tutu ndee tnu'u tee ka ndakaxtnu'u tnu'u ni wa'a Su'si ma ká'an: “Su'si ma kaxtnu'u nuu ndaka i.” Chukan kúu ja ndaka ñayii kuniso'o ja ká'an Yuva sa ma te kutu'va i ja ká'an ya ma, te kii i ki tu'va ña'a i.

Hechos 13:40

’Jin ko koto va'a ni maa ni nasa yukan, te jin ndo'o ni sukan ni ka ka'an tee ni ka yo ndakaxtnu'u tnu'u ni yo wa'a Su'si ma:

Hechos 7:36

Te Moisés ma ni yo kuu tee ni ndene'e tna'a o ñayii jana'a ma, te ja maa Su'si ma, te ni sa'a de milagru ñuu Egipto ma, ji'in nuu Mar Rojo ma, ji'in nuu ñatuu nawa iyo kuiti ma uu xiko (40) kuiya.

Hebreos 3:9

Yukan ni ka jitotnuni ña'a yuva ni ma, nú Su'si kúu sa te nú kuu kua'a sa nawa ka jiniñu'u de ma, te ni ka jini maa de ndaka ja ni yo sa'a, ni yo kuu sa uu xiko kuiya ma.