Hechos 5:9 - New Testament Psalms and Proverbs in Mixtec Magdalena Peñasco

⁹ Pedro ma, jiña'a de: ―‍¿Nava'a ni ka chutna'a tnu'u ni ja jin kototnuni ni Xtumani Ndios iya tátnuni nuu o a? Yukan ve ndi koo suchi ni jan koo ni ka chu'u i yii ni ma. Te vitna, te jin koo i jin chu'u tna ña'a i ndijin ―‍kúu de jiña'a de.

Hechos 5:9 ပူးပေါင်းရင်းမြစ်များ

Salmos 50:18

Te nú jini ni ñayii sakui'na ma chi jinu ni kua'an ni sakui'na ni ji'in i, te suni kétna'a ini ni ji'in ñayii ka kivi nduu ji'in in‑ka ñayii masu ni tnanda'a ji'in i ma.

Salmos 78:56

Kovaa ni ka sa'a i ja ni ndakiti ini Su'si o iya iyo onde sukun ma, vaa ndimaa ni ka yo jitotnuni i ya, te ñatuu ni ka yo kandija i ja jin sa'a i sukan ni tatnuni ya ma.

Proverbios 11:21

Vaa ñayii ka sa'a ja u'vi ma chi masu yanduu ja jin ndando'o jin ndaneni maa i ja ka sa'a ka kuu i ma, kovaa ñayii ka sa'a ja va'a ja ndaa ma chi vivii jin kaku i nuu tnundo'o ma ji'in sa'ya tata i ma.

Proverbios 16:5

Su'si ma chi saxiko ya ñayii inuvixi xeen ka ndaa i ma te ka jani ini i ja maa i ka kuu‑ka ma, te ja sukan ka sa'a i ma chi masu yanduu ja ndaxndo'o ndaxneni ña'a Su'si ma, vaa iya sa'a ndaa kúu ya.

Mateo 4:7

Te Jesús ma, jiña'a ya: ―‍Suni tnu'u Su'si a ká'an: “Másu ko kototnuni ro Su'si ro Iya Tátnuni ma” ―‍kúu ya jiña'a ya.

Lucas 16:2

Te jito'o de ma, ni kana de tee jinukuechi nuu de ma, te jiña'a de: “¿Nawa kúu ja ka ka'an i ja sa'a ni a? Ndataa ni kuenda siki tniñu ni a, vaa masu ko kuu‑ka ni tee jito ve'e sa a.”

Hechos 15:10

Te vitna, ¿nava'a ka kuni ni ja jin kototnuni ni Su'si ma, ja jin skuiso ni ñayii ya'a tna'a ja ni maa o ji'in tna'a o ñayii jana'a ma, masu ni ka kundee o ja jin sa'a o sukan ni tatnuni ya nuu tna'a o ñayii jana'a ma?

Hechos 5:6

Sani te ni jan koo uni kuun suchi jaa, te ni ka chutuu i ñunde'yu de ma in sa'ma, te ni jan koo i ni ka chu'u i de.

Romanos 10:15

¿Te naxe jin kaxtnu'u ñayii ma, nú ñatuu na in tétniñu ña'a? Vaa sa'a ndee nuu tnu'u Su'si a: “¡Naka vii naka va'a ka kuu ñayii ka jika kuan koo i ka kaxtnu'u i tnu'u vii tnu'u va'a tnu'u mani Su'si ma!”

Romanos 3:19

Kovaa ka jini o ja ndaka sukan ndee tnu'u Su'si ma, ká'an i ja jin kuu maa ñayii ka jani ini i ja nuna jin sa'a i ndaka sukan ká'an tnu'u ni tatnuni Moisés ma, te jin ndani'i ta'vi i. Kovaa ña'a. Vaa maa Su'si ma ndakan kuenda nuu ndaka ñayii ka iyo ñuu ñayivi a, te jin ndachunaa i ndaka nawa ni ka yo sa'a, ni ka yo kuu i ma. Te kivi yukan masu na in kuu ka'an‑ka.

1 Corintios 10:9

Ni a jin kototnuni ni Iya Tátnuni ma sukan ni ka sa'a jaku ñayii ma, te ni ka ji'i i ja ni ka tuu ña'a koo ma.