Hechos 25:16 - New Testament Psalms and Proverbs in Mixtec Magdalena Peñasco

¹⁶ Te ni ndakone'e sa ja yo'o ja ka kuu o ñayii ñuu Roma ma, masu kuu ja jin ka'ni o de, nú masu ja onde koo de xinañu'u‑ka nuu ñayii ka xtekuechi ña'a ma, te ndaka'an maa de nú ndija xi ña'a.

Hechos 25:16 ပူးပေါင်းရင်းမြစ်များ

Proverbios 18:13

In ja kan‑yu'u ja kan‑nuu kúu ja ndákone'e yachi ñayii ma te ñatuu ndetu i ja koniniso'o i te jinu ka'an in‑ka ñayii ma.

Proverbios 18:17

Ñayii kénda xinañu'u nuu tee ja'nde tniñu ma te jiña'a i ja masu na kuechi i ma chi kuenda tnu'u ja ndija i ja ká'an i ma, kovaa nuna kenda in‑ka ñayii ma te ndaka'an i ja masu ndija ñayii ni kenda xinañu'u ma, sani te ndatuu ndaa maa i ja masu ndija i.

Lucas 12:11

Ndijin ja ka ndikin ña'a ni maa sa a, nuna jin koo i jin xsia'a ña'a i ini veñu'u lilikin ma, xi nuu tee ka ja'nde tniñu ma, xi nuu tee ka netniñu ma, máko jin ko ndi ini ni nawa jin sa'a jin kuu ni, xi nawa jin ka'an jin kachi ni.

Juan 7:51

―‍Tnu'u ni kaxtnu'u Moisés ma nuu o ma ká'an ja masu kuu jin xtekuechi o in tee nú ñatuu kuniso'o‑ka o ja ká'an de ma, sukan‑va'a kuni o nawa ni sa'a de ma ―‍kúu de jiña'a de.

Hechos 23:30

Nuu ni ka kaxtnu'u i nuu sa ja sukan ni ka ndatnu'u tna'a de ja jin ka'ni de Pablo a, sani te ni jani ini sa ja tetniñu sa de nuu iyo ni a, suni ni jiña'a sa nuu tee ka xtekuechi Pablo a ja na jin ka'an de nuu ni nawa kúu ja ka kuni u'vi de nuu tee a. Chukan‑ni kúu ja ká'an sa a. Te koo vii koo va'a ni.” Sa'a ni tee de.

Hechos 23:35

te jiña'a de: ―‍Nuna kenda koo tee ka xtekuechi ña'a ma, te ka'nde sa tniñu ni a ―‍kúu de jiña'a de, te ni tatnuni de ja jín koo de jín xsia'a de tee ma vekaa iyo palaciu Herodes ma.

Hechos 26:1

Sani te Agripa ma, jiña'a de nuu Pablo ma: ―‍Kuu ka'an maa ni ja kuu maa ni ―‍kúu de jiña'a de. Sani te Pablo ma, ni ndone'e de nda'a de ma, te ni keja'a de ká'an de ja masu na kuechi de ma: