Hechos 24:26 - New Testament Psalms and Proverbs in Mixtec Magdalena Peñasco

²⁶ Ni kuu ini de ja kua'a Pablo ma xu'un te xsiaa de tee ma, te chukan kúu ja kua'a jichi ni yo kana de tee ma, te ni yo ka'an de ji'in tee ma.

Hechos 24:26 ပူးပေါင်းရင်းမြစ်များ

Proverbios 17:23

Ñayii sa'a ja u'vi ma chi játna ini i ja yuyu'u‑ni tnii i xu'un ma, te masu ka'nde ndaa i tniñu ñayii ni sa'a ja u'vi ma.

Proverbios 17:8

Ñayii ni kaan ja ndimaa wa'a i xu'un in‑ka ñayii ma te ní'i i nawa kúni i ma, chi jani ini i ja iyo xeen tnu'u ndatnu i, vaa ndimaa kúndee i ní'i i ndaka nawa kúni i ma.

Proverbios 19:6

Ñayii kúxiku ma te wa'a i nawa ka jiniñu'u ñayii ma chi ûni ndaka ñayii ma ka kuni ja jin ketna'a ini i ji'in ñayii xiku ma.

Proverbios 29:4

Rey tee ja'nde ndaa tniñu ñayii ñuu de ma chi sa'a de ja núkuiñi va'a ñuu ma, kovaa tee yika‑ni ja ndí ini de ja na kivi‑ka xu'un ma chi xnaa de ñuu yukan.

Mateo 17:3

Te ni ka jini de Elías ma ji'in Moisés ma, ja ka ndatnu'u de ji'in ya.

Hechos 24:17

Kovaa ni ya'a jaku kuiya, te ni no'o sa ñuu Jerusalén ma ni jan nu xsia'a sa xu'un ja kuu ñuu sa ma ji'in ja ndakua'a sa nuu Su'si ma.

1 Corintios 6:9

¿Xi ñatuu ka jini ni ja ñayii ñatuu ka sa'a ja va'a ma, masu kuu jin ndani'i ta'vi i nuu tatnuni Su'si ma? Másu ko jin kani ini ni ja masu ja ndaa kúu ja ká'an sa a. Vaa ni a ñayii ñatuu tnanda'a‑ka ma te kívi nduu kívi nduu i ji'in in‑ka ñayii ma, ni a ñayii ndáchiñu'u tna'a ja masu Su'si ka kuu ma, ni a ñayii ni kivi nduu ji'in in‑ka ñayii ñatuu ni tnanda'a ji'in i ma, masu kuu jin ndani'i ta'vi i nuu tatnuni Su'si ma. Ni a tee ka sa'a tnu'u ja ña'a ka kuu de ma te ka kivi nduu de ji'in tee ji'in de ma, masu kuu jin ndani'i ta'vi tna de nuu tatnuni Su'si ma.

2 Pedro 2:3

Te tee yukan chi vivii jin ka'an de, sukan‑va'a jin xnda'vi ña'a de, vaa ka ndiyo ini de xu'un ni ma. Kovaa jâ ni kuu kii jâ iyo ja jin ndo'o jin neni de, te jâ iyo tu'va nuu jin ndachunaa de ma.