Hechos 23:9 - New Testament Psalms and Proverbs in Mixtec Magdalena Peñasco

⁹ Te ndaka de ka kayu'u. Sani te ni ndokuiñi in tee skua'a tnu'u ni tatnuni Moisés ma, te tna'a tee ka kuu fariseo ma kúu de, te jiña'a de: ―‍Masu nde ka ndani'i o in ja u'vi ja sa'a tee ya'a, kuiti masu saa in ángel xi maa Xtumani Ndios ma ni ka'an nuu de ―‍kúu de jiña'a de.

Hechos 23:9 ပူးပေါင်းရင်းမြစ်များ

Proverbios 16:7

Vaa Su'si Iya Tátnuni ma, nuna játna ini ya ja sukan sa'a sukan kúu ñayii ma chi sa'a ya ja onde ñayii kúni u'vi nuu i ma ndumani ji'in i.

Marcos 2:16

Te jaku tee ka skua'a tnu'u ni kaxtnu'u Moisés ma, tee ni ka yo kuu fariseo ma, ni ka jini de Jesús ma, ja núkoo ya ne'un ndaka ñayii yukan ma, te ka jiña'a de nuu tee ka ndikin ya ma: ―‍¿Nava'a teskua'a ni a, jaa de ndeyu ji'in kui'na ka ndake'en ya'vi xu'un a, ji'in ndaka‑ka ñayii ñatuu ka sa'a ja va'a a? ―‍ka kuu de ka jiña'a de.

Lucas 23:22

Ja ku‑uni jichi ni jiña'a Pilato ma: ―‍¿Na in ja u'vi ni sa'a de? Saña, masu ni ndani'i sa ni‑in kuechi ja sa'a ja kûu de. Xndo'o sa de, te jinu, te xsiaa sa de ―‍kúu de jiña'a de.

Lucas 23:4

Sani te Pilato ma, jiña'a de nuu tee ka tatnuni nuu sutu ma ji'in nuu ñayii ma: ―‍Masu na ja u'vi ndáni'i sa ja sa'a tee ya'a ―‍kúu de jiña'a de.

Lucas 5:30

Kovaa tee ka kuu fariseo tee ka skua'a tnu'u ni kaxtnu'u Moisés ma, ji'in jaku‑ka tee ka kuu fariseo ma, ni ka keja'a de ka ka'an de tnu'u tee ka ndikin Jesús ma. Te ka jiña'a de: ―‍¿Nava'a ka jaa ka ji'i ni ji'in kui'na ka ndake'en ya'vi ja ka xiko ñayii ma, ji'in ñayii ka ndiso kuechi a? ―‍ka kuu de ka jiña'a de.

Juan 12:29

Ñayii ka iyo yukan, ni ka jiniso'o i, te ka ka'an i: ―‍Ni kana savi ―‍ka kuu i ka ka'an i. Kovaa jaku‑ka i ka ka'an: ―‍In ángel ni ka'an nuu de ―‍ka kuu i ka ka'an i.

Hechos 11:17

Chukan kúu ja nú Su'si ma, ni tetniñu tna ya Xtumani maa ya ma nuu ka iyo de ma, sukan ni tetniñu ya ya nuu yo'o ma nuu jâ ni ka kandija o Jesucristo iya tátnuni nuu o a, te ¿na in kúu saña ja ka'nu ndee sa nuu Su'si ma ja sa'a ya ma? ―‍kúu de jiña'a de.

Hechos 22:6

Kovaa sa'a ni kuu nuu sani te kenda sa ñuu Damasco ma, nuu ve kuu sava nduu ma, sani te ni kenda in nduva ñu'u vee andivi ma, te ni ye'e ni'ni ni‑ka'nu nuu kua'an sa ma.

Hechos 22:7

Te ni kun‑kava sa nuu kiti yoso sa ma onde nuu ñu'ú ma, te ni jiniso'o sa ja ká'an: “Saulo, Saulo, ¿nava'a sóndikin ña'a ni?”

Hechos 23:29

Te ni jini sa ja ka xtekuechi de Pablo a ja ñatuu sa'a de sukan ka sa'a ndaka maa de ma. Kovaa ni‑in ja ka xtekuechi de tee a sa'a ja kuu jin ka'ni i de xi kinee de vekaa ma.

Hechos 23:8

Vaa tee ka kuu saduceo ma, masu ka kandija de ja jin ndateku ñayii ni ka ji'i ma, ni a masu ka kandija de ja ka iyo ángel ma, te ñayii ma, ñatuu na anua i ma, ka ka'an de. Kovaa tee ka kuu fariseo ma chi ka kandija de ja jin ndateku ñayii ni ka ji'i ma, ji'in ja ka iyo ángel ma, ji'in ja ñayii ma, masu yikikuñu‑ni ka kuu i ma chi ka iyo anua i ma.

Hechos 25:25

Kovaa maa sa, masu nde ndani'i sa na kuechi de ja sa'a i ja kûu de. Te vaa maa de jikan ja tee kúu emperador ma ka'nde tniñu de a, te jâ ni jani ini sa ja tetniñu sa de nuu César ma.

Hechos 26:31

Nuu ni ka ndusiin de ma, te ka ndatnu'u tna'a de, te ka ka'an de: ―‍Ni‑in ja ni sa'a tee ya'a sa'a i ja kûu de xi ja kinee de vekaa ma ―‍ka kuu de ka ka'an de.

Hechos 27:23

Vaa ja ni yo kuu jakuaa a, te ni kenda in ángel Su'si iya tátnuni nuu sa a, iya xi‑nuu jinukuechi sa a,

Hechos 5:39

Kovaa nú Su'si ma tátnuni, masu jin kundee ni jin sunkani ni. Jin konee ni cuidado, nasa ka yikuu ni ka kanaa ni ji'in Su'si ma ―‍kúu de jiña'a de. Te ni ka kendoo ini de ja sukan ni ka'an Gamaliel ma.

Hechos 9:4

Te ni kotuu de onde nuu ñu'ú ma, te ni jiniso'o de ja ká'an: ―‍Saulo, Saulo, ¿nava'a sóndikin ña'a ni? ―‍kúu ká'an.

1 Corintios 10:22

Másu ko jin sa'a o sukan, vaa nú ña'a, te jin sa'a o ja ndakiti ini Cristo iya tátnuni nuu o ma. ¿Xi kuu jin kundee yo'o nuu ya ma, ka jani ini ni?