Hechos 16:25 - New Testament Psalms and Proverbs in Mixtec Magdalena Peñasco

²⁵ Nuu ve kuu sava ñuu ma, Pablo ma ji'in Silas ma, ka jikan‑ta'vi de nuu Su'si ma, te ka jita de ja ka ndachiñu'u de ya, te tee ka yinee vekaa ma, ka niniso'o de.

Hechos 16:25 ပူးပေါင်းရင်းမြစ်များ

Salmos 119:55

Iya Tátnuni, ndaka jakuaa ma ndáka'án ña'a sa maa ni, te saña chi kúni sa ja sa'a sa ndaka sukan ká'an tnu'u ni kaxtnu'u ni ma.

Salmos 119:62

Sava ñuu ma ndákoo sa, te ndákuan‑ta'vi sa nuu ni ja sukan sa'a ndaa sa'a ndija ni ma.

Salmos 22:2

Su'si maa sa, kána ña'a sa nduu ma, te ñatuu ndákone'e ni ja ká'an sa ma, te jakuaa ma ñatuu ndátatu sa ja kána ña'a sa.

Salmos 34:1

Ndaka kivi ndimaa ndachiñu'u sa Su'si ma ji'in ndaka ja sa'a ja kúu sa ma, te ndimaa ko kata sa nuu maa ya.

Salmos 42:8

Kovaa nuna tuu na ndii ma, te kunda'vi ini ña'a Iya Tátnuni ma. Te nuna kunee ma, te ndusii ini sa, te kata sa yaa ká'an sukan sa'a sukan kúu ya ma, te kakan‑ta'vi sa nuu Su'si sa ma, iya sa'a ja koteku sa ma.

Salmos 50:15

Te jin ndakune'e ña'a ni kivi kénda tnundo'o tnuneni nuu ni ma te ñatuu ka ni'i ini‑ka ni nawa jin sa'a ni ma, te saña chi chindee ña'a sa ja vivii jin yanduu jin yandoso ni nuu tnundo'o yukan ma, sani te maa ni chi jin ndachiñu'u ña'a ni”, kúu ya ká'an ya.

Salmos 71:7

Visi kua'a ñayii chi ka jatnu'u ini ña'a i, kovaa saña chi nuu maa in‑ni ni kúkanu ini sa ja na chindee ña'a ni, te kaku sa nuu ja u'vi ma.

Salmos 77:2

Te kivi ni yo ndo'o, ni yo neni sa ma, te ndaka jakuaa ma ndánduku sa Su'si iya tátnuni nuu o a, te skata nda'a skata nda'a sa nuu ya, te jikan‑ta'vi jikan‑ta'vi sa nuu ya ja na chindee ña'a ya. Kovaa ñatuu ni ndani'i sa tnu'u kanu ini, vaa kúxii xeen ini sa ma.

Salmos 77:6

Te ndáka'án sa sukan ni yo jita sa ndaka jakuaa ma ja ni yo ndachiñu'u ña'a sa ma, te ndákani ndáka'vi ini sa. Te jikan‑tnu'u sa maa sa:

Salmos 91:15

Te nuna ndakune'e ña'a i, te yo'o chi ndakone'e o ja ká'an i ma. Maa o koo ji'in i, te sa'a o ja ya'a i nuu tnundo'o tnuneni ma, te koo xeen jayiñu'u i.

Lucas 22:44

Te yikuu ya kuxii kunda'vi xeen ini ya, te jikan‑ta'vi jikan‑ta'vi‑nka ya nuu Yuva ya Su'si ma, te kuun kuun‑nka ña'a tnaa ya ma, te kuenda niñi kúu i, jinkoo i nuu ñu'ú ma.

Hechos 15:22

Sani te tee ni tetniñu Jesús ma, ji'in tee ka nukuiñi ja ka jini ka jito de ñayii ka kandija Su'si ma ja ka iyo i ñuu Jerusalén ma, ji'in ndaka ñayii ka ndikin Su'si ma, ni ka kaji i jaku tee jin koo ji'in Pablo ma ji'in Bernabé ma ñuu Antioquía ma. Ni ka kaji de tee nani Silas ma, ji'in Judas ma tee ka xnani i Barsabás ma, vaa suu de ka kuu tee jâ ni kuu kii‑ka ka jini de tnu'u Su'si ma te ka iyo va'a de nuu ya ma, ja ka iyo de ne'un ndaka ñayii ka ndikin Su'si ma.

Hechos 16:19

Nuu ni ka jini tee xi‑nuu jinukuechi i ma ja masu na xu'un kene'e‑ka i ja jin ni'i de ma, sani te ni ka tnii de Pablo ma ji'in Silas ma, te ka ñu'u de tee ma ichi nuu ke'e ve'e tniñu ma nuu ka iyo tee ka netniñu ma.

Hechos 16:33

Te maa ora yukan, maa jakuaa yukan, te tee jito vekaa ma, ni jeka de Pablo ma ji'in Silas ma, sukan‑va'a ndakate de nuu ni ka tnakue'e tee ma. Sani te maa jakuaa yukan, te ni ka jandute ndaka de ve'e de ma.

Hechos 5:41

Te ni ka nde koo sii ini xeen tee ni tetniñu Jesús ma, vaa jâ ni jani ini Su'si ma ja tee ka jinukuechi vava'a nuu ya ka kuu de, te chukan kúu ja ni wa'a ya tnu'u ja ni ka ka'an ndeva'a i ja jin kuu de ma te ni ka sa'a ndeva'a ña'a tee ka ja'nde tniñu ma kuechi ja ka kaxtnu'u de tnu'u maa Jesús ma.

Romanos 12:12

Jín koo sii ini o ja ka ndetu o ja jin ni'i o ma, te jín kanda o ora ka ndo'o ka neni o ma, te jín kakan‑ta'vi jín kakan‑ta'vi o nuu Su'si ma.

Romanos 5:3

Te masu cha'a‑ni chi suni ka kutachi xeen o ora ka ndo'o ka neni o ma. Vaa ka jini o ja nuna jin ndo'o jin neni o ma chi sa'a i ja ko kuu o ñayii kava kuee ini.

2 Corintios 6:10

Kuenda tnu'u ja ka kuxii ka kunda'vi ini sa, kovaa ka iyo sii ini xeen ini anua sa a nuu Su'si ma. Kuenda tnu'u ja ka kunda'vi xeen sa, kovaa ka sa'a sa ja kua'a ñayii, ka nduxiku xeen i nuu Su'si ma vaa jin ndani'i ta'vi i. Visi ñatuu kuiti nawa ka ni'i ka tna'a sa ñuu ñayivi ya, kovaa ja maa Su'si ma, te ñatuu kuiti nawa ja'ni tna ña'a i.

Efesios 5:19

Te maa tnu'u Su'si ma jin kuatniñu ni ja jin ndaka'an‑so'o nuu tna'a ndi‑in ndi‑in ni. Te tna'a ja ka jita o ma, ni‑yu'u ni‑anua ni jin kata ni, te jin ndachiñu'u ni Iya Tátnuni ma.

Filipenses 2:17

Te kúsii ini sa, te kúni sa ja jin koo sii ini ndaka ni ji'in sa, vaa visi na kûu sa ja jinukuechi sa nuu Su'si ma, sukan‑va'a jin kandija‑ka ni ya, te ndaka ja jin ndakua'a ni nuu Su'si ma, te kenda nuu maa ya ma.

Colosenses 1:24

Kovaa vitna chi kúsii ini sa sukan ni ndo'o sa ja jin kuu ni a, te ja sa'a ndo'o sa ya chi vala‑ni kúu. Kovaa Cristo ma chi ni ndo'o xen‑xeen‑ka ya ja jin kuu o, sana ni ka nduu o sa'ya Su'si ma, te vitna chi jâ ni ka kuu o yikikuñu ya ma.

Hebreos 5:7

Te nuu ve kuyatni ora ja jin ka'ni i Cristo ma, te ni kayu'u nini'i ya, te nda'yu ya jikan‑ta'vi ya nuu Su'si ma, vaa Su'si ma chi kuu sa'a ya ja kaku Cristo ma ja masu kûu ya ma. Te Su'si ma chi ni jiniso'o ya ja ni jikan‑ta'vi Cristo ma, vaa ndaka ja ni tatnuni Su'si ma ni yo kandija Cristo ma.

Santiago 1:2

Ndijin ja ni ka nduu o sa'ya Su'si o a, jin koo sii ini xeen ni ndeva'a‑ni naxe ka ndo'o ka neni ni.

Santiago 5:13

Nú nde ni iyo in tnundo'o, kakan‑ta'vi ni nuu Su'si ma. Nú nde ni iyo sii ini, kata ni nuu Su'si ma.

1 Pedro 4:14

Nuna jin ka'an ndeva'a ñayii ma nuu ni ja kuechi ja ka ndikin o Cristo ma, ja vava'a ka kuu ni, vaa ka iyo ni ji'in jayiñu'u maa Xtumani Ndios ma. Ja ndaa kúu ja kuechi maa ñayii ma ka kuu, te ka ka'an ndeva'a i ja kuu Su'si ma, kovaa nuu Su'si ma chi iyo jayiñu'u, kuechi ja vii ja va'a ka sa'a maa ni a.